இன்று நமக்குத் தேவை உத்தம-புருஷர்கள் (உன்னதமான, உயர்ந்த எண்ணம் கொண்ட ஆண்கள் மற்றும் பெண்கள்). இப்படிப்பட்ட உன்னத மனமும் இதயமும் கொண்ட மனிதர்கள் இருந்தால் மட்டுமே தேசங்கள் செழிப்புடன் இருக்கும். சமுதாயத்தில் மனத்தூய்மையும், ஒழுக்கமும் இருந்தால்தான் இப்படிப்பட்டவர்கள் சமூகத்தில் தோன்றுவார்கள். ஒழுக்கநெறியை அடித்தளமாகக் கொண்ட ஒரு சமூகத்தால் மட்டுமே இத்தகைய உன்னதமானவர்களை பேணிக் காக்க முடியும். ஆன்மிகம் கடைத்தேறுவதற்கான வழிமுறையாகும். ஒழுக்கமும் நேர்மையும் ஆன்மிக உணர்வை அடிப்படையாகக் கொண்டது. ஆன்மிகம் மட்டுமே மனிதனை அவனது இலக்கை நோக்கி செல்லும் புனிதமான பாதைக்கு இட்டுச் செல்லும். ஆன்மிகத்தால் மட்டுமே மனிதனை உயர்த்தி, மேலும் உயர்ந்த நிலைகளுக்கு எடுத்துச் செல்ல முடியும். இதுவே உண்மையான தேசிய முன்னேற்றம் மற்றும் வளமைக்கான வழிமுறையாகும். உலக அமைதியை ஆன்மிகத்தின் மூலம்தான் பெற முடியும். இது மனிதகுலம் கடைத்தேறுவதற்கான வழிமுறையாகும். ஆன்மிகத்தை மறந்து, மனிதன் உலக இன்பங்களை அடிப்படையாகக் கொண்ட ஒரு செயற்கையான வாழ்க்கையை நடத்தி வருகின்றான். கல்வி, நாட்டின் நலனை மேம்படுத்த பயன்படுத்தப்பட வேண்டும். கல்வியின் மூலம் பெறப்படும் அறிவை மனிதகுலத்தின் நலனுக்காக சுயநலமின்றி பயன்படுத்தப்பட வேண்டும். (தெய்வீக அருளுரை, நவம்பர் 22, 1992)