பண்டைய காலத்திலிருந்தே இறைவனின் சக்தி அம்சம் பல்வேறு விதங்களில் ஆராதிக்கப்படுகிறது. எங்கு பெண்கள் கௌரவிக்கப்பட்டு, மதிக்கப்படுகிறார்களோ, அங்கு தெய்வீகம் அதன் பூரண சக்தியுடன் திகழ்கிறது என்று வேதங்கள் பறைசாற்றுகின்றன. துரதிருஷ்டவசமாக, இன்றைய ஆண்கள் பெண்களை மதிப்பது கௌரவக் குறைவு என்று எண்ணுகிறார்கள். இது முற்றிலும் தவறானது மற்றும் அறியாமையின் அறிகுறியும் ஆகும். ஸ்த்ரீ (பெண்) என்பவள் கிருஹலக்ஷ்மி ஆவாள். அவள் தர்மபத்தினி என்று போற்றப்படுகிறாள். அவள் இல்லாள் என்றும் அர்த்தாங்கி என்றும் அழைக்கப்படுகிறாள். மனிதர்கள் அவர்களுக்குக் கிடைத்த அற்பமான பட்டங்களைப் பற்றி பீற்றிக்கொள்கிறார்கள். ஆனால் பெண்களுக்கு எல்லா காலத்திலும் ஏற்றுக்கொள்ளப்படும் மிக உயர்ந்த பட்டங்கள் வழங்கப்பட்டுள்ளன. பெண்கள் இல்லாத வீடு ஒரு காடு தான். பெண்களின் உயர்ந்த நிலையை ஆண்கள் உணர்ந்து, அதற்கேற்றபடி அவர்களை கௌரவித்து, மதிக்க வேண்டும். அவர்கள் பெண்களை அழவைத்து, கண்ணீர் சிந்தவிடக்கூடாது. பெண்கள் கண்ணீர் சிந்தும் வீடு நாசமாகிவிடும். ஆண்கள் கண்டிப்பாக பெண்களுக்கு கெளரவமான இடத்தைக் கொடுத்து, மதிக்கத்தக்க வாழ்க்கையை நடத்த வேண்டும். (தெய்வீக அருளுரை, நவம்பர் 19, 1995)