இறைவனுக்குப் பிடித்த மூன்றாவது புஷ்பம், எல்லா உயிரினங்களிடமும் கொள்ள வேண்டிய ‘தயை’ எனும் புஷ்பமாகும். பகவத்கீதை, ‘அத்வேஷ்டா ஸர்வ பூதானாம் - எவரையும் வெறுக்கக்கூடாது’ என்று கூறுகிறது. அனைவருடனும் நட்புடன் வாழுங்கள், ஆனால், மக்களுடன் அளவுக்கதிகமான தொடர்பு வைத்துக் கொள்ளாதீர்கள். நான்காவது புஷ்பமான சகிப்புத்தன்மை (க்ஷமா) எனும் புஷ்பம், மிகவும் சிறப்பு வாய்ந்தது மற்றும் குறிப்பிடத்தக்கது. பாண்டவர்கள் கௌரவர்களால் மிகுந்த துன்பத்தை அனுபவித்தார்கள், ஆனால், தர்மராஜர் ஒருபோதும் சகிப்புத்தன்மையை இழக்கவில்லை. திரௌபதி கௌரவர்களால் அவமானப்படுத்தப்பட்ட போதும் கூட இழக்கவில்லை. சகிப்புத்தன்மை என்ற நற்குண சீலமே பாண்டவர்களைக் காத்து, அவர்களை உலகத்திற்கே இலட்சிய மனிதர்களாக ஆக்கியது. இந்த சகிப்புத்தன்மை எனும் புஷ்பம் இறைவனுக்கு மிகவும் பிடித்தமானதாகும். இறைவனுக்குப் பிடித்தமான ‘புஷ்பங்களை’ நீங்கள் அவனுக்கு அர்ப்பணித்தால் மட்டுமே, அவன் உங்களிடம் மகிழ்ச்சி அடைந்து, உங்களுக்கு வரங்களை அளிப்பான். வாடி, வதங்கிவிடும் புஷ்பங்களை அர்ப்பணிப்பதால் எந்தப் பயனும் இல்லை. அஹிம்சை, புலனடக்கம், தயை மற்றும் சகிப்புத்தன்மை ஆகியவையே என்றும் மலர்ந்திருக்கும் புஷ்பங்களாகும்! (தெய்வீக அருளுரை, ஆகஸ்ட் 22, 2000)