பத்து நாட்கள் இறைவனை தியானித்து, ஒருவரது அனைத்து அசுத்தங்களைக் களைந்து, உள்ளுறையும் தெய்வீகத்தை அனுபவிப்பதற்காகவே, நவராத்திரி பண்டிகை அனுசரிக்கப்படுகிறது. பண்டிகையின் இறுதி நாளுக்கு முந்தைய நாள், ஆயுத பூஜைக்கு (ஆயுதங்களின் ஆராதனை) அர்ப்பணிக்கப்படுகிறது. மனிதனுள் உறையும் தெய்வீக சக்திகளே ஆராதிக்கப்பட வேண்டிய ஆயுதங்கள். தெய்வத்தை இவ்வாறு வழிபடும்போது, ஒருவர் கண்டிப்பாக ஆன்மிகத்தில் முன்னேறுவார். மாறாக, இறைவனும் பக்தரும் ஒருவருக்கொருவர் தனித்தனியானவர்கள் எனக் கருதுவது தான் இப்போது வழக்கமான நடைமுறையாக உள்ளது. இது தவறானது. இறைவன் அங்கிங்கெனாதபடி எங்கும் நிறைந்து, ஒவ்வொருவருள்ளும், ஒவ்வொரு பொருளிலும் உறைகின்றான். ஒவ்வொருவரிலும் ஒவ்வொரு நாளும் 21,600 முறை நிகழும் மூச்சை உள்ளிழுத்து வெளிவிடும் செய்முறை அளிக்கும் செய்தியின் மூலம் இந்த உண்மை உணரப்பட வேண்டும். ஒவ்வொரு சுவாசமும், "ஸோ-ஹம்" அதாவது “அவனே நான்” என்ற செய்தியை அறிவிக்கிறது. ஒவ்வொரு மூச்சுடனும் "நானே இறைவன்" என்ற செய்தி அறிவிக்கப்படுகிறது. இந்த ஏகத்துவத்தை உணர்ந்து எல்லா செயல்களையும் இறைவனுக்கு அர்ப்பணிப்பாக செய்ய வேண்டும். (தெய்வீக அருளுரை, அக்டோபர் 14, 1994)