இந்தியா முழுவதும் நவராத்திரிப் பண்டிகை கொண்டாடப்படுகிறது, ஆனால் இந்த பண்டிகையின் உள்ளார்ந்த முக்கியத்துவத்தை புரிந்துகொள்ள யாரும் எந்த முயற்சியும் எடுப்பதாக தெரியவில்லை. ஹ்ருதயமே (இதயம்) ஆத்மாவின் உறைவிடமாகும். ஆத்மதத்துவம் இன்றி எந்த உயிரினமும் இருக்க முடியாது. எல்லாவற்றிலும் ஆத்மதத்துவமாக உறையும் இறைவனுக்கு ஒரு குறிப்பிட்ட நாமமோ ரூபமோ இல்லை. ஆனால் மனிதர்கள் அவனுக்கு பல்வேறு நாம, ரூபங்களை அளிக்கிறார்கள். பக்தர்கள் எந்த ரூபத்தில் அவனை வழிபட்டாலும், இறைவன் அவர்களுடைய பிரார்த்தனைகளுக்கு அருள்பாலிக்கிறான். எனவே, ஒவ்வொருவரும் தாங்கள் வழிபடும் ரூபமே, பிற ரூபங்களை விட உயர்ந்தது என்று கருதுகிறார்கள். ஒரு ரூபம், மற்றொன்றை விட உயர்ந்தது என்று கருதுவது வெறும் அறியாமையின் அடையாளம். நவராத்திரிப் பண்டிகைக் கொண்டாட்டங்களின் போது, தேவி பல்வேறு நாம ரூபங்களில் போற்றப்படுகிறாள். அனைத்து நாம ரூபங்களும் உங்களுடைய உணர்வுகளைப் பொறுத்தவையே. இறைவனுக்கு எந்தவிதமான வேறுபாடுகளும் இல்லை. இறைவனுடைய இயல்பை யாராலும் புரிந்து கொள்ள முடியாது. உண்மையில், அனைத்து உயிரினங்களிலும் இருக்கும் ப்ரேம தத்துவமே, தெய்வ தத்துவம் ஆகும். ப்ரேமைக்கு ஒரு குறிப்பிட்ட ரூபம் கிடையாது. தெய்வீகம் நாம ரூபங்களுக்கு அப்பாற்பட்டது. ப்ரேமையே இறைவன். ப்ரேமையில் வாழுங்கள். சத்தியமே இறைவன். சத்தியம் எங்கும் நிறைந்தது. (தெய்வீக அருளுரை, அக்டோபர் 5, 2003)