உங்கள் இல்லமே ப்ரேமை விசாலமடைவதற்கான முதல் படி; அங்குதான் நீங்கள் வாழவும், கற்றுக் கொள்ளும் வாய்ப்பையும் உங்களுக்கு அளித்த பெற்றோரை நீங்கள் மதித்து, மகிழ்விக்க வேண்டிய இடமாகும். நீங்கள் அவர்களை கொடுமைப்படுத்தினாலோ அல்லது அவர்கள் மனதில் துயரத்தை ஏற்படுத்தினாலோ, நீங்கள் மற்றவர்களுக்கு புரிந்துணர்வுடன் சேவையாற்றி எவ்வாறு மகிழ்விக்க முடியும்? விசாலமடைதல் என்பது கல்வியின் முக்கிய அம்சமாகும். ஒரு பலூனை ஊதிக்கொண்டே போனால், அது வெடித்து அதனுள் இருக்கும் காற்று பரந்து விரிந்த வெளிவானில் இரண்டறக் கலந்து விடுகிறது என்பதை நீங்கள் அறிவீர்கள். உங்களுடைய ப்ரேமையும் கூட அதே போல, உங்களுடைய இல்லம் மற்றும் சமுதாயத்தை நிரப்பி, இறுதியில் இந்த பந்தங்களையும் உடைத்துக் கொண்டு உலகளாவியதாக ஆக வேண்டும். உள்ளங்கையில் வைத்திருக்கும் ஒரு துளி நீர் தனித்து இருப்பதனால் விரைவில் ஆவியாகி விடுகிறது. ஆனால், அதைக் கடலில் விடுங்கள்; அது கடலின் ஒரு பகுதியாக ஆகிவிடுகிறது. அது கடலின் பெயர், சுவை, கம்பீரம், வலிமை ஆகியவற்றைப் பெற்று விடுகிறது! ப்ரேமையை வளர்த்துக் கொள்ளுங்கள்: அனைவரின் இதயங்களிலும் ப்ரேமையின் விதைகளை விதைத்திடுங்கள். பாலைவன மணல் மீது ப்ரேமையைப் பொழியுங்கள்; பசுமையான தளிர்கள், அழகான மலர்கள், சுவையான பழங்கள், இனிமையான தேன் ஆகியவற்றை மனிதகுலம் பெறட்டும். அதுவே என் விருப்பம், என் பணி, என் சபதம். (தெய்வீக அருளுரை, ஜூலை 25, 1975)