பூமியில் நூற்றாண்டுகள் ஒன்றன்பின் ஒன்றாக உருண்டோடி வரும்போது, புதிய பிரச்சினைகள் மற்றும் புதிய சூழ்நிலைகள் மற்றும் இக்கட்டான சந்தர்ப்பங்களை ஒருவர் எதிர்கொள்ள வேண்டி உள்ளதால், கடந்த கால சட்டங்கள் மற்றும் வரம்புகளை ஆங்காங்கே மாற்றப்பட வேண்டியுள்ளது. உண்மையில் இந்த மாறுதல்கள் இறைவனது ஸங்கல்பத்தின் ஒரு அங்கமே. புதிய சகாப்தத்திற்குப் பொருத்தமான சட்டக்கோட்பாடுகள் கட்டாயமானவை என்று அறிவிப்பதற்கு ஏற்றவாறு, மாற்றப்பட்ட சூழ்நிலைகளில் ஆன்மிக முன்னேற்றத்திற்கான பாதையை மக்களுக்குக் காட்ட வேண்டும். இருந்தாலும் கூட, பின் வருபவற்றை மனதில் கொள்ள வேண்டும். வேதாந்தத்தில் கூறப்பட்ட ஆத்ம தர்மம் (தெய்வீக தர்மம்) நிரந்தரமானது, மாற்ற முடியாதது. அதை ஒருபோதும் நீர்த்துப்போகச் செய்யவோ அல்லது “காலத்தின் தேவைகளுக்கு ஏற்ப” சரி செய்யவோ முடியாது. என்றும் நிலையான போதனை என்னவெனில் - ஆத்மாவே உட்கரு, உண்மை நிலை, மற்றும் குறிக்கோள் என்ற நம்பிக்கை எல்லாக் காலங்களிலும் சத்தியம் என்பதே! ஆத்ம தர்மத்தின் உண்மைகள், தெய்வீக சங்கல்பத்தின் பிரதிபலிப்பான ஒரு மனிதரின் உட்கரு மற்றும் இயற்கையின் (பிரகிருதி) நிரந்தர அடித்தளங்களை ஆதாரமாகக் கொண்டவை. எனவே, அவை மாற்றங்களுக்கு எட்டாத தொலைவில் இருப்பவை. அவை பல்லாயிரம் ஆண்டுகளுக்கு முன்பு இருந்ததைப் போலவே இன்றும் பொருத்தமானவை மற்றும் ஏற்கத்தக்கவை. (சத்ய சாய் வாஹினி, அத்தியாயம்-12)