“இந்தப் பணியில் மட்டுமே என்னை ஈடுபடுத்திக்கொள்வது எனக்கு மிகவும் பிடித்திருக்கிறது.” “நான் அவனுக்கு நன்மை செய்ய முயன்றேன், ஆனால் அவன் என் விருப்பத்தை உதாசீனப்படுத்தியதோடு எனக்கு தீங்கு விளைவிக்கவும் முயன்றான்." கர்ம யோகத்திற்கு சம்பந்தப்பட்டதாக மனிதர்கள் குறிப்பிடும் கஷ்டம் மற்றும் மன அழுத்தத்திற்கான வழக்கமான காரணங்கள் இவை. இப்படிப்பட்ட ஏமாற்றம் ஒருவருக்கு செயலாற்றுவதில் ஆர்வத்தை இழக்கச் செய்கிறது. ஒருவர் நல்லதைச் செய்ய விரும்பி, அதிலிருந்து சந்தோஷத்தைப் பெற்று, அந்த சந்தோஷத்தைப் பகிர்ந்து கொள்ள வேண்டும் என்று எதிர்பார்த்து, யாரோ ஒருவருக்கு ஏதோ ஒரு விதத்தில் நல்லதைச் செய்ய விழைகிறார். அப்படிப்பட்ட சந்தோஷம் கிடைக்கவில்லை என்றால் விரக்தி ஏற்படுகிறது! ஆனால் ஒரு உண்மையான யோகி, எதிலும் பற்று வைக்காமலும், கர்மா யாருக்கு எப்படி உதவுகிறது என்ற கவலை இல்லாமலும் செயலாற்றுகிறார். கர்ம யோகம் புகட்டும் பாடம் இதுவே: கர்மாவை, கர்மாவுக்காக ஆற்றுங்கள்! கர்மயோகிகள் ஏன் அவர்களது கரங்களுக்கு வேலை கொடுத்துகொண்டே இருக்கின்றனர்? ஏனெனில் அதுதான் அவர்களுடைய உண்மையான இயல்பு; அவர்கள் செயலாற்றுவதில் மகிழ்ச்சி அடைகிறார்கள். அவ்வளவுதான். அவர்கள் பலன்களுக்காக பேரம் பேசுவதில்லை; எந்த (லாபம்-நஷ்டம்) கணக்காலும் உந்தப்படுவதில்லை; அவர்கள் கொடுப்பார்களே அன்றி ஒருபோதும் பெற்றுக் கொள்வதில்லை. எந்தப் பலனையும் எதிர்பார்க்காததால், அவர்கள் எந்த துயரத்தையும் அல்லது ஏமாற்றத்தையும் அறியாதவர்கள்! (சத்ய சாய் வாஹினி, அத்தியாயம்-10)