கருணையும், தியாகமும் உங்களுடைய இரண்டு கண்களாக இருக்கட்டும்; அகந்தையின்மை உங்களுடைய உயிர் மூச்சாகவும், ப்ரேமை உங்களுடைய நாவாகவும் இருக்கட்டும். சாந்தி உங்களுடைய செவிகளில் எதிரொலிக்கட்டும். இவையே நீங்கள் வாழ்வதற்குத் தேவையான பஞ்ச பூதங்கள். இறைவன், நீ எப்போது, எங்கு சேவை செய்தாய் என்று கேட்க மாட்டான். அவன், “நீ எந்த நோக்கத்துடன் செய்தாய்? உன்னைத் தூண்டிய உள்நோக்கம் எது?” என்றுதான் கேட்பான். நீங்கள் சேவையை எடை போட்டு, அதன் அளவைப் பற்றித் தம்பட்டம் அடித்துக் கொள்ளலாம். ஆனால், இறைவன் தரத்தையே நாடுகிறான், அதாவது இதயத்தின் தரம், மனத்தூய்மை மற்றும் நோக்கங்களின் புனிதத்துவம் ஆகியவற்றையே. நீங்கள் பல வருடங்களாக, பல துறைகளிலும், திசைகளிலும் சேவை ஆற்றிக்கொண்டு வருகிறீர்கள். நீங்கள் கற்றுக்குட்டிகள் அல்ல; நீங்கள் சேவை முறையிலான வாழ்க்கையைப் பற்றி அறிந்தவர்கள். ஆனால் நீங்கள் மனிதர் என்பதால், திரைகள் மற்றும் மூடுபனி, களைகள் மற்றும் புழுக்கள் மனதில் பரவியுள்ளன. சந்தேகங்களும், அச்சங்களும் உங்களுடைய பணியை ஆட்டிப்படைக்கின்றன. இவற்றின் தாக்குதல்களுக்கு எதிராக விழிப்புடன் இருங்கள்! ஒவ்வொரு நாளும் பாடுபடுங்கள்; உங்கள் சேவை நடவடிக்கைகளை தூய்மையான, சுயநலமற்ற மற்றும் புனிதமான வழிகளில் மேம்படுத்துவதற்காக, நீங்களே முன் வந்து ஏற்றுக்கொண்டுள்ள இலட்சியங்களைப் பற்றி ஒழுகுங்கள்! (தெய்வீக அருளுரை, நவம்பர் 19,1981)