உங்களுள் உள்ள புனித சக்தியை, சொந்த முயற்சியின் மூலம் வெளிப்படுத்துங்கள். மற்றவர்களைப் பின்பற்றுவது என்ற பலவீனமான தந்திரங்களை நாடாதீர்கள். மாறாக, மற்றவர்கள் கொண்டிருக்கக்கூடிய நல்ல குணங்களை ஏற்றுக் கொள்ளுங்கள். நாம் ஒரு விதையை மண்ணில் விதைக்கிறோம். பின்னர், அதற்குத் தேவையான பொருட்களான நீர், காற்று மற்றும் உரம் ஆகியவற்றை நாம் வழங்குகிறோம். விதை முளைத்து, செடியாகி, இறுதியில் ஒரு பெரிய மரமாக ஆகி விடுகிறது. மண், உரம், காற்று அல்லது நீராக அது ஆவதில்லை என்பதை நீங்கள் கவனித்திருப்பீர்கள். அது இவற்றைப் பயன்படுத்திக் கொள்கிறது, ஆனால், தனது சொந்த இயல்பிற்கு ஏற்ப ஒரு மரமாக வளர்ந்து விடுகிறது. நாம் பிறரிடமிருந்து கற்றுக் கொள்ள வேண்டியது நிறைய இருக்கத்தான் செய்கிறது. இவ்வாறு கற்றுக்கொள்ள மறுப்பவர்கள், தங்களையே முட்டாள்கள் என்று அறிவித்துக் கொள்கிறார்கள். உங்களுடைய ஆன்மிக முன்னேற்றத்தை ஊக்குவிக்கும் எதையும் நீங்கள் பிறரிடமிருந்து கற்றுக் கொள்ளலாம். அற வழியில் (தர்மம்) நீங்கள் முன்னேறுவதற்காக வகுத்துள்ள விதிகளுக்குட்பட்டு அவற்றை முழுமையாகப் பின்பற்றுங்கள். நீங்கள் நீங்களாக வாழ வேண்டுமே அன்றி, வேறு யாரோ ஒருவரைப் போல அல்ல. உங்களுடைய அகத்தன்மையிலிருந்து உங்களை திசை திருப்ப வேறு எவரையும் அனுமதிக்காதீர்கள்! (சத்ய சாய் வாஹினி, அத்தியாயம்-7)