மனிதன், உடல், மனம் மற்றும் ஆத்மா ஆகியவற்றின் முக்கலவை ஆவான். இதன் விளைவாக அவனிடம் மூன்று விதமான இயல்புகள் உள்ளன: 1) கீழ்த்தரமான மிருக இயல்பு 2) உலகியலான அறிவும், திறமையும் நிரம்பிய மனித இயல்பு 3) மனிதனின் உண்மையான இயல்பான, தெய்வீக ஆத்ம இயல்பு. இந்த மூன்றாவது இயல்பை உணர்ந்து, அதில் தன்னை நிலை நிறுத்திக் கொள்வதே ஆன்மிகக் கல்வியாகும் (வித்யா). பஞ்ச பூதங்களான ஆகாயம், காற்று, நெருப்பு, நீர் மற்றும் நிலத்தைக் கூறுகளாகக் கொண்ட ஒரு கருவியே உடல். கண்ணுக்குத் தெரியாமல் இருக்கும் இறைவன் அதனுடன் விளையாடுகிறான். உடல் ஒரு மரம் போன்றது; ஆத்மா மீதான ப்ரேமையே அதன் வேர்; ஆசைகளே அதிலிருந்து வெளித்தோன்றும் கிளைகள்; ஆதார இயல்பை அடிப்படையாகக் கொண்ட குணங்கள், அம்சங்கள் மற்றும் நடத்தை முறைகள் ஆகியவையே அவற்றிலிருந்து தோன்றும் மலர்கள்; சுகமும், துக்கமுமே அது தரும் பழங்கள். மனித உடல் தனக்குள்ளேயே ஒரு உலகத்தைக் கொண்டதாகும். ரத்தம், உடலின் ஒவ்வொரு அங்கத்தினுள்ளும் ஓடி, அவற்றை இயக்குகிறது. அதைப் போலவே, இறைவனும் உலகின் ஒவ்வொரு இடத்தினுள்ளும் ஊடுருவி அவற்றை இயக்குகிறான்! (வித்யா வாஹினி, அத்தியாயம்-5)