46 நன்னெறிக் கோட்பாடுகளிலிருந்து: 26. பேராசை துக்கத்தையே அளிக்கிறது; திருப்தியே மிகவும் சிறந்ததாகும். திருப்தியை விட சிறந்த சந்தோஷம் வேறு எதுவும் இல்லை. 27. பிரச்சனைகளை உருவாக்கும் மனப்பாங்கினை வேரோடு பிடுங்கி வீசி எறிந்து விட வேண்டும்; அதை இருக்கவிட்டால், அது வாழ்க்கையையே நாசமாக்கிவிடும். 28. நஷ்டத்தையும், துக்கத்தையும் பொறுமையுடன் தாங்கிக் கொள்ளுங்கள்; சந்தோஷத்தையும் லாபத்தையும் பெறுவதற்கான வழிகளைக் கண்டுபிடிக்க முயலுங்கள். 29. நீங்கள் கோபத்தால் தாக்கப்படும்போது அமைதியைக் கடைப்பிடியுங்கள் அல்லது இறைவனது திருநாமத்தை நினைவு கூறுங்கள். கோபத்தை மேலும் கிளறக்கூடிய விஷயங்களை உங்களுக்கு நீங்களே நினைவுபடுத்திக் கொள்ளாதீர்கள். அது கணக்கிட முடியாத தீங்கினை விளைவிக்கும். 30. இந்தத் தருணத்திலிருந்தே, அனைத்து தீய பழக்கங்களையும் தவிர்த்து விடுங்கள். இதை தாமதிக்கவோ ஒத்திப்போடவோ செய்யாதீர்கள். அவை எள்ளளவு ஆனந்தத்தைக் கூட தருவதில்லை. 31. உங்களால் முடிந்த வரை, தரித்திர நாராயணர்களாக இருக்கும் ஏழைகளின் தேவைகளைப் பூர்த்தி செய்ய முயலுங்கள். உங்களிடம் எந்த உணவு இருந்தாலும் அதை அவர்களுடன் பகிர்ந்து கொண்டு, குறைந்த பட்சம் அந்தத் தருணத்திலாவது அவர்களுக்கு மகிழ்ச்சி அளியுங்கள். (ஸந்தேஹ நிவாரிணி, அத்தியாயம் 7)