பெண்களின் ஆடம்பர கைப்பைகளிலும், ஆண்களின் சட்டைப் பைகளிலும் தவிர்க்கமுடியாத இரண்டு பொருட்கள் இருக்கும்; முகம் பார்க்கும் கண்ணாடி மற்றும் சீப்பு. உங்கள் தலைமுடி சிறிது கலைந்திருந்தாலோ அல்லது உங்களுடைய முகத்தில் பவுடர் திட்டு திட்டாகத் தெரிந்தாலோ, உங்களுடைய அழகுக்கு ஆபத்து என்று அஞ்சுகிறீர்கள்; உடனே உங்கள் தோற்றத்தை சரி செய்ய முயல்கிறீர்கள்! வேகமாக அழிந்துவரும் தனிப்பட்ட அழகைப் பற்றி இந்த அளவிற்கு கவலைப்படும் நீங்கள், உங்களுடைய மனம் மற்றும் இதயத்தை சீரழிக்கும் பொறாமை - வெறுப்பு என்னும் தூசு, கர்வம் – வன்மம் என்னும் திட்டுக்கள் ஆகியவைப் பற்றி உண்மையில் எவ்வளவு அதிகம் கவலைப்பட வேண்டும்? இதற்காகவும் ஒரு முகம் பார்க்கும் கண்ணாடியையும், சீப்பையும் வைத்திருங்கள்! பக்தி எனும் முகம் பார்க்கும் கண்ணாடியை வைத்துக் கொள்ளுங்கள்; அதைக்கொண்டு அவை தூய்மையாக பளிச்சிடும்படியாக நன்றாக இருக்கின்றனவா என்று பாருங்கள். பகுத்தறிவின் மூலம் பெற்ற ஞானம் எனும் சீப்பையும் வைத்துக் கொள்ளுங்கள்; அதைக்கொண்டு, எல்லா திசைகளிலும் தாறுமாறாக ஓடும் உணர்ச்சிகளையும் உணர்வுகளையும் கட்டுப்படுத்தி, சீராக வைத்து, சச்சரவு முடிச்சுகளையும் அவிழ்த்து, சிக்கல்களையும் தீர்த்துக் கொள்ளுங்கள் (தெய்வீக அருளுரை, ஜூன் 26, 1969)