பகவானின் திருப்பாதங்களில் தலை வணங்குவதன் பின் உள்ள நோக்கம் புனிதமான சிந்தனைகள் பக்தனின் மனதில் நுழையும் என்பதாகும். ஒருவர் இறைவனின் திருப்பாதங்களைத் தொடும் போது, அவற்றிலிருந்து, புனிதமான தூண்டுதல்கள் பக்தரை நோக்கிப் பாய்கிறது என்பதே இதன் பொருள். பக்தனுடைய தலை இறைவனின் திருப்பாதங்களைத் தொடும் போது, இறைவனின் தெய்வீக சக்தி பக்தரை நோக்கிப் பாய்கிறது. நீங்கள் பரிசுத்தமான பொருட்களோடு மட்டுமே தொடர்பு வைத்துக் கொள்ள வேண்டும்; தூய்மையற்றவையிலிருந்து விலகி இருக்க வேண்டும் என்பது இதிலிருந்து புலனாகிறது! நீங்கள் எதைத் தொட்டாலும், அதனால் பாதிக்கப்படுகிறீர்கள். உதாரணமாக, நீங்கள் நெருப்பைத் தொட்டால், அது சுட்டுவிடுகிறது. நெருப்பு, இரும்பைக் கூட எரிக்க வல்லது. அது அவ்வளவு சக்தி வாய்ந்தது. ஆனால், நெருப்பு அணைக்கப்பட்ட பின் மிஞ்சி இருப்பது வெறும் கரியே. நீங்கள் கரியைத் தொட்டால், உங்களுடைய கை கருப்பாகி விடுகிறது. இவ்வாறு, இரண்டு விதத்திலும் தொடுவது பயனற்றதே! ஆனால், நீங்கள் தெய்வீக நெருப்போடு தொடர்பு கொள்ளும் போது என்ன நிகழ்கிறது? உங்களுடைய அனைத்து தீய சிந்தனைகளும், தீய செயல்களும் எரிந்து சாம்பலாகி விடுகின்றன. இதுவே பாதநமஸ்காரம் செய்வதன் புனிதத்துவமாகும் (தெய்வீக அருளுரை, மார்ச் 15, 1992)