சேவையே தலைமைப் பொறுப்பை அடைவதற்கான கடவுச்சீட்டு (பாஸ்போர்ட்) என்பதை மக்கள் உணர வேண்டும். எனவே, சேவை நிறுவனங்களில் உயர்ந்தவர், தாழ்ந்தவர் என எவ்விதமான வேறுபாடும் அனுமதிக்கப்படக்கூடாது; அனைவரும் சேவையில் பங்கேற்பதை வரவேற்க வேண்டும். உண்மையில் மனிதப்பிறவியே சேவைக்கென்று ஏற்பட்டதுதான். ஒருவர் எத்தனையோ சாதித்திருந்தாலும், தன்னலமற்ற சேவையின் மூலம் கிடைக்கக் கூடிய ஆனந்தத்திற்கு அவை ஈடாக முடியாது. அனுமான் மிகுந்த பலசாலியாகவும், தைரியசாலியாகவும், பலவிதங்களில் மிகச் சிறந்தவராக இருந்தாலும் கூட, இலங்கையில் அவரை நீ யார் என கேட்டபோது, தான் ஸ்ரீராமனின் சேவகன் (ஸ்ரீராமதாசன்) என்று பதிலளித்ததில் திருப்தி அடைந்தார். அவருடைய உதாரணத்திலிருந்து, இறைவனின் சேவகனாக இருப்பது எவ்வளவு மகத்தானது என்பதை நீங்கள் உணரலாம். அனைத்து உலகங்களுக்கும் அதிபதியான பகவான் ஸ்ரீகிருஷ்ணர், அர்ஜுனனுக்கு தேரோட்டியாக சேவை செய்யத் தயாராக இருந்தார். சேவை மனப்பான்மை இறைவனுக்கு எப்போதும் மிகவும் பிரியமானது‌. அனைத்து சாயி சேவகர்களும், தாங்கள் அனைவரும் தெய்வீகச் சுடர்ப்பொறிகள் என்ற உணர்வை முதன்முதலில் வளர்த்துக் கொள்ள வேண்டும். அதன் பிறகே, அவர்கள் முழு மனதுடன் சேவை ஆற்ற முடியும். (தெய்வீக அருளுரை, நவம்பர் 24, 1990)