மனித உடல் பலவிதமான நோய்களுக்கு இரையாகின்றது. இவை அனைத்தையும் உடல்சார்ந்த நோய்கள் என மனிதன் கருதுகிறான். ஆனால், இவை அனைத்தும் முழுமையாக உடல் சம்பந்தப்பட்டவை அல்ல. உடல்சார்ந்த நோய்களுக்கு மருந்துகளின் மூலம் சிகிச்சை அளிக்க முடியும். ஆனால், உலகில் பெரும்பாலான நோய்களுக்கு மனமே மூலகாரணம். மனதின் விகாரங்கள், உடலில் எதிர்வினைகளைத் தூண்டி, பல்வேறு நோய்களை உருவாக்குகின்றன. பல நோய்களுக்கான முக்கிய காரணம் மனதில் வேரூன்றி உள்ளது. மனமும், உடலும் ஒன்றுக்கொன்று சம்பந்தப்பட்டவை. உடலின் மீதான மனதின் பாதிப்பு, ஒரு எதிர்மறையான குணம் படைத்தது. இந்த எதிர்மறை குணம், ஆனந்தத்தை அனுபவிப்பதற்கு தடையாக விளங்குகிறது. தீய சிந்தனைகளும், தீய உணர்வுகளும் மனதில் எழுகின்றன. அதே சமயத்தில் அங்கு நற்சிந்தனைகளும், நல்உணர்வுகளும் கூட இருக்கின்றன. தீய சிந்தனைகளையும், தீய உணர்வுகளையும் களைந்தால் மட்டுமே, நீங்கள் நல்ல உடல்நலத்தை பெற முடியும். தீய சிந்தனைகள் அஜீரணத்தை உருவாக்கி, இதயத்தை பாதித்து, ரத்த அழுத்தத்தில் மாற்றங்களை உருவாக்குகின்றன. கவலைகளே பலவிதமான மனநோய்களுக்கு காரணம். நீரிழிவு மற்றும் நுரையீரல் சம்பந்தப்பட்ட நோய்கள் மனோரீதியான காரணங்களினால் ஏற்படுகின்றன (தெய்வீக அருளுரை, பிப்ரவரி 25, 1998)