உங்களை பிறருடன் ஒப்பிட்டுப் பார்ப்பது மிகவும் தவறானது. இரண்டு பொருட்களோ அல்லது இரண்டு நபர்களோ ஒரே மாதிரியாக இருப்பதில்லை. ஒரே மாதிரியாகப் பிறந்த இரட்டைக் குழந்தைகள் கூட வாழ்க்கையில் வளரும் விதத்தில் மாறுபடுகிறார்கள். ஒரு மரத்தில் இருக்கும் லட்சக்கணக்கான இலைகள், ஒன்று மற்றொன்றைப் போல அப்படியே ஒரே மாதிரியாக இருப்பதில்லை. தாவரவியல் வல்லுநர்கள் இந்த அம்சத்தைப் பற்றி அறிவார்கள். கோடானுகோடி மக்கள் பூமியில் இருக்கின்றார்கள்; ஆனால், அவர்கள் ஒவ்வொருவருக்கும் தனித்தன்மை அளித்து அச்சிட்ட அந்த "அச்சகம்” எங்கே? இதுவே இறைவனின் மாட்சிமை! லட்சக்கணக்கான பெட்டிகள் ஒரு நிறுவனத்தால் தயாரிக்கப்படுகின்றன; அனைத்தும் ஒன்றுபோல் இருக்கின்றன; மேலும் ஒரே சாவிக்கொத்தை வைத்து அனைத்தையும் பூட்டலாம், திறக்கலாம். இறைவன் ஒவ்வொரு மனிதனையும் தனித்தன்மை, குணம், திறன் மற்றும் விதியுடன் படைக்கின்றான். இப்படி இருக்கையில், ஒருவரை ஒருவர் ஒப்பீடு செய்து மகிழ்வதோ வருந்துவதோ எப்படி சரியானதாகும்? எவரோ உயரமாக இருக்கிறார் என்று கூறி, நாம் குட்டையாக இருக்கிறோமே என்று மனத்தளர்ச்சி அடைகிறோம். மற்ற சமயங்களில் பிறரை விட நன்றாக இருக்கிறோம் என்று பெருமிதம் அடைகிறோம். இதை நாம் சிந்தித்துப் பார்த்தால், இவை அனைத்தும் முட்டாள்தனமே! (தெய்வீக அருளுரை ஜனவரி 8, 1983)