மனிதன் இறைவனை மனித ரூபத்தில் வழிபட வேண்டும்; இறைவன், அவன் முன் ஒரு பார்வையற்ற பிச்சைக்காரனாக, முட்டாளாக, தொழுநோயாளியாக, குழந்தையாக, நலிந்த வயோதிகனாக, குற்றவாளியாக அல்லது பைத்தியக்காரனாகத் தோன்றுகிறான். இந்த மாயத்தோற்றங்களுக்குப் பின்னால், ப்ரேமை, சக்தி மற்றும் ஞானத்தின் திருவுருவமாக இருக்கும் சாயியைக் கண்டு, தன்னலமற்ற சேவையின் மூலம் நீங்கள் அவரை வழிபட வேண்டும். இறைவனை ஒரே ஒரு நாமம் அல்லது ரூபத்தோடு மட்டுமே அடையாளம் காண முடியாது. அனைத்து நாமங்களும், ரூபங்களும் அவனுடையதே. உங்களுடைய நாமங்களும் கூட அவனுடையதே, நீங்களும் அவனுடைய ரூபங்களே! நீங்கள் வெவ்வேறான தனிப்பட்ட உடல்களாகத் தோன்றுகிறீர்கள்; ஏனெனில் அவற்றைக் காணும் கண், புறத்தோற்றமாகிய உடல்களை மட்டுமே காண விழைகிறது. நீங்கள் உங்களுடைய கண்ணோட்டத்தைப் புனிதமாக்கிக் கொண்டு, அனைத்து பண்புகள் மற்றும் தோற்றங்களுடன் இருக்கும் பௌதீகமானவற்றைக் கடந்து காணக் கூடிய ஆத்ம-பார்வையைக் கொண்டு அவர்களைப் பார்க்கும்போது, "ஆயிரம் தலைகள், கண்கள் மற்றும் பாதங்களைக் கொண்டவர் " என்று ரிக் வேதம் வர்ணிக்கும் அந்த பரமாத்மாவாகிய கடலின் மீதுள்ள அலைகளாக பிறரைக் காண்பீர்கள். அந்தக் கண்ணோட்டத்தைப் பெற்று, நீங்களே அந்த பேரானந்தத்தில் திளைத்திருக்கப் பாடுபடுங்கள்! (தெய்வீக அருளுரை ஏப்ரல் 01, 1975)