அனைத்து உயிரினங்களிலும் உறைந்திருப்பது ஒரே இறைவன் தான். மனிதர்கள் இறைவனுக்கு அல்லா, இயேசு, ராமா, கிருஷ்ணா என பல பெயரிட்டு அழைத்தாலும் இறைவன் ஒருவனே. இறைவனின் பல திருநாமங்களுக்கிடையே எந்த வேற்றுமையையும் பாராட்டாதீர்கள். லட்டு, ஜிலேபி, மைசூர்பாக் என பல இனிப்புக்கள் இருந்தாலும், அவற்றில் எல்லாம் சர்க்கரை ஒன்றே இன்றியமையாத மூலப்பொருளாக இருக்கிறது. நாமங்களும், ரூபங்களும் மாறுபடலாம், ஆனால் அனைத்திலும் இருக்கும் ஆத்மா ஒன்றே தான். ராமரும், கிருஷ்ணரும் இந்தப் பெயர்களுடன் பிறக்கவில்லை; இந்தப் பெயர்கள் அவர்களுடைய பெற்றோர்கள் அவர்களுக்கு அளித்தவை. இறைவன் ஒரு குறிப்பிட்ட நாமத்துடன் அவதரிப்பது இல்லை. நிர்குணம், நிரஞ்ஜனம், சனாதன நிகேதனம், நித்ய, சுத்த, புத்த, முக்த, நிர்மல ஸ்வரூபிணம் (இறைவன் குணங்களற்றவன், பரிசுத்தமானவன், இறுதி இலக்கானவன், நிரந்தரமானவன், அப்பழுக்கற்றவன், தன்னையுணர்ந்தவன், தன்னிச்சையானவன், புனிதத்தின் திருவுருவமானவன்). ரூப, நாமங்களைக் கண்டு மயங்கி விடாதீர்கள். ரூபமற்ற ஆத்ம தத்துவத்தைச் சார்ந்திருங்கள். (தெய்வீக அருளுரை, மே 21,2006)