கிருஸ்துவ மதமோ, இஸ்லாமிய மதமோ அல்லது பிற மதமோ, தாங்கள் எந்த மதத்தைப் பின்பற்றுகிறோம் என்று மனிதர்கள் கூறிக்கொள்வது அவர்களுடைய வாழ்க்கைக்கு மதிப்பை அளிப்பதில்லை. அவர்களது மனிதப் பண்பே மிக உயர்ந்த மதிப்பாகும். அனைத்து மதங்களும் ஒன்றிணைந்து மனிதனுக்கு ஒரு தனிப்பட்ட ஒளியை ஊட்ட முற்படுகின்றன. தனி மனிதனின் நலன் சமுதாய நலனோடு தொடர்புடையது என்ற அடிப்படையில், மனிதனுக்கு அளிக்கப்பட்டுள்ள பல்வேறு ஆற்றல்கள் நல்ல நோக்கங்களுக்காகப் பயன்படுத்தப்பட வேண்டும். இன்றைய மனிதன் மூன்று நிலைகளில் நல்மாற்றம் பெற வேண்டும்: முதன்முதலில் ஆன்மிக நல்மாற்றம். இரண்டாவதாக வருவது சமுதாயத்தைப் பற்றிய மனப்பாங்கில் நல்மாற்றம். மூன்றாவது தனிமனித நிலையில் நல்மாற்றம். ஆன்மிக நல்மாற்றம் ஏற்படும் போது தானாகவே சமுதாயத்தைப் பற்றிய மனப்பாங்கில் நல்மாற்றம் ஏற்படும். சமுதாயம் இணக்கமாகவும், வளமாகவும் ஆகும்போது, தனிமனிதனும் மாற்றம் அடைகிறான். இந்த மூன்று விதமான நல்மாற்றங்களும் "SAI" என்ற பெயரில் பொதிந்துள்ளன. "S" என்பது ஆன்மிக (Spiritual) நல்மாற்றத்தைக் குறிக்கிறது. "A" என்பது சமுதாய (Association) அதாவது சமுதாயத்தில் ஒருவர் பிறருடன் கொள்ளும் உறவுகளில் நல்மாற்றத்தைக் குறிக்கிறது. ‘I’ என்பது தனிமனிதனில் (Individual) ஏற்படும் நல்மாற்றத்தைக் குறிக்கிறது. சாயி விரும்பும் மூன்று விதமான நல்மாற்றங்கள் இவையே. (தெய்வீக அருளுரை, நவம்பர் 18,1995)