நீங்களே தெய்வீகம் என்பதையும், இறைவனே உங்களுடைய உட்கருவும், உண்மை நிலையும் ஆவான் என்பதையும் நீங்கள் உணரும் வரை, நீங்கள் (இவ்வுலகிற்கு) வருவதையும், போவதையும் அனுபவித்தே ஆக வேண்டும்; ஒரே செய்தித்தாளைத் திரும்பத் திரும்ப, தினந்தோறும் படித்துக் கொண்டே இருக்கக் கூடாது; மர்மத்தைத் தெரிந்து கொள்வதற்கு ஒரு பிறவியே போதுமானது. எனவே, குறைந்தபட்சம், ஒரு மர்மம் இருக்கிறது என்பதை உணர்ந்து, அதன் ரகசியத்தைத் தேடி, நீங்களே அதைக் கண்டு தெளியவும். ஸ்ரீராமகிருஷ்ண பரமஹம்ஸர் காளி மாதாவின் தரிசனம் இன்றி மேலும் ஒரு நாள் வீணாகிவிட்டதே என்று கதறி அழுவாராம். அப்படிப்பட்ட ஏக்கத்தினைக் கொண்டிருங்கள்; அதன் அவசரத்தை உணருங்கள். அதை இப்போதே தெரிந்து கொள்ள விழைந்து, இத்தருணத்திலேயே அந்தப் பரவசத்தைப் பெற ஏங்குங்கள். இதனை ஒத்திப் போடவோ அல்லது பிறரிடம் விவாதிப்பதில் நேரத்தை செலவிடவோ செய்யாதீர்கள். உங்கள் முன்னால் சாய்பாபாவின் ஒரு படமோ அல்லது உலோக விக்கிரஹமோ அல்லது ஒரு கற்சிலையோ மட்டுமே இருக்கலாம். ஆனால், அவர் அதில் உயிருடன் இருக்கிறார் என்பதிலும், அவர் உங்கள் மற்றும் அனைத்து உயிரினங்களின் இதயங்களிலும் குடிகொண்டு இருக்கிறார் என்பதிலும் உங்களுக்கு நம்பிக்கை இருக்குமானால், பின்னர், அவர் அங்கிங்கெனாதபடி எங்கும் நிறைந்தவர், அனைத்தும் அறிந்தவர், மேலும் ஸர்வ வல்லமையும் பொருந்தியவர் என்ற ஞானத்தின் பரவசத்தை நீங்கள் பெற முடியும். (தெய்வீக அருளுரை, பிப்ரவரி 4,1973)