பொறுமையாக இருங்கள்; தரமற்ற இன்பங்களை அனுபவிக்க வேண்டும் எனும் வேகத்தில் அதர்மமான செயல்களில் இறங்க வேண்டாம். உங்களுக்கே உரித்த மற்றும் நீங்கள் விரும்பும் அனைத்து சந்தோஷங்களையும் இறைவன் உங்களுக்கு அளிப்பார் என்ற நம்பிக்கையைக் கொண்டிருங்கள். சலுகைகளுக்காக மனிதர்களை நாடுகின்றனர் மக்கள்; பிறரிடம் கை நீட்டி, "தேஹி" (தாருங்கள்) என்று அவர்கள் கெஞ்சுகின்றனர். ஆனால், "தேஹி" என்றால் தேஹத்தில் (உடல்) உறைபவன், அதாவது ‘இறைவன்’ என்றும் பொருளாகும்! எனவே பிறரிடம் "தேஹி" என்று கெஞ்சுவதன் மூலம், அந்த இறைவன் எனும் "தேஹியை" அவமானப்படுத்தாதீர்கள். அவனைக் கேளுங்கள்; "தேஹி" என்று அந்த "தேஹியைக்" கேளுங்கள்; அவன் தாராளமாகவும் கருணையுடனும் பதிலளிப்பான். தீய வழிகளில் பெற்ற உணவும், பொய்மையின் மூலம் பெற்ற உடையும் உங்களுக்கு தீங்கையே இழைக்கும். வசதியும் சௌகரியமுமே வாழ்க்கையில் முக்கியமானவை என்று கருதாதீர்கள். ஏழை மற்றும் பணக்காரர், படித்தவர் மற்றும் படிக்காதவர், இளைஞர் மற்றும் முதியோர் ஆகிய அனைவருக்கும் ஏமாற்றம், வியாதி மற்றும் துன்பம் ஆகியவை பொதுவானவையே. உங்களுடைய பரிசுத்தமான மற்றும் அப்பழுக்கற்ற இதயங்கள், பொய்மை மற்றும் தவறுகளால் அழுக்கடையாமல் இருக்கட்டும். கெட்ட வார்த்தைகளைப் பேசுவதன் மூலம் உங்களுடைய நாக்கை அசுத்தப்படுத்திக் கொள்ளாதீர்கள். இறைவனது திருநாமத்தை உச்சரியுங்கள்; ஒரு மலை போன்ற பஞ்சை சுட்டெரித்து சாம்பலாக்கி விடும் ஒரு தீச்சுடரைப் போல அது செயல்படும்! (தெய்வீக அருளுரை, ஏப்ரல் 1973)