தூய இதயங்களுடன் உங்களை நீங்களே பரிசுத்தமான பணிகளில் ஈடுபடுத்திக் கொண்டு நற்பெயரை சம்பாதித்துக் கொள்ளுங்கள். எனக்கு நீங்கள் அர்ப்பணிக்க வேண்டியது, நீங்கள் ஈட்டிய நற்பெயரைத் தான். இதுவே நன்றியினை சிறந்த முறையில் வெளிப்படுத்துவதாகும். வெளி உலகில் உங்களுடைய நடத்தையின் மூலம் கெட்ட பெயரைக் கொண்டு வராதீர்கள். நீங்கள் நற்பெயரை கொண்டு வரத் தவறிவிட்டாலும் பரவாயில்லை, ஆனால் எந்த சந்தர்ப்பத்திலும் நீங்கள் ஒரு கெட்ட பெயரை சம்பாதித்துக் கொள்ளக் கூடாது. உங்களால் பிறருக்கு உதவ முடியாமல் போனாலும் கூட, பிறருக்குத் தீங்கு செய்யாதீர்கள். மாணவர்கள் இதை மனதில் கொள்ள வேண்டும். மாணவர்கள் மட்டுமல்ல, அனைத்து ஆன்மிக சாதகர்களும், மற்றவர்கள் அவர்களுக்கு செய்த நன்மையை தங்கள் இதயங்களில் நன்றியோடு போற்றி, ஏதோ ஒரு விதத்தில் அவர்களுக்கு ஆற்றப்பட்ட உதவியை எப்போதும் நினைவு கூற வேண்டும். இப்படிப்பட்ட நன்றிபூர்வமான வாழ்க்கையை நடத்துபவர்களே, தங்களுடைய வாழ்க்கையில் சாந்தி மற்றும் சந்தோஷத்தைக் காண முடியும். (தெய்வீக அருளுரை, டிசம்பர் 25, 1991)