உடலின் வெப்பம் சாதாரணமாக 98.4 டிகிரியாக இருக்க வேண்டும் என்பதை மருத்துவர்கள் அறிவார்கள். வெப்பம் 99க்குச் சென்று விட்டால், உடலின் ஏதோ கோளாறினால் காய்ச்சல் வந்து விட்டது என்பார்கள். நாம் சாதாரண விகிதத்தில் உள்ளிழுத்து சுவாசிக்கிறோம். இந்த விகிதத்தின் அளவு சிறிது அதிகரித்தாலோ அல்லது குறைந்தாலோ அது உடலில் கோளாறு இருப்பதைக் குறிக்கிறது. நாடித்துடிப்பு அல்லது இரத்த அழுத்தத்தில் ஏற்படும் மாற்றங்களும் கூட கோளாறின் அறிகுறிகளாகும். எனவே, நீங்கள் வரம்புகளை ஒரு சிறிதளவு மீறினால் கூட, அது உடலுக்கு அபாயகரமானது அல்லது தீங்கானது. ஒவ்வொன்றும் இயல்பாக இயங்குவதற்கு ஒரு வரம்பு உள்ளது. ஒரு மின்னல் மின்னுவதையோ அல்லது புகைப்படம் எடுக்கும் போது ஒரு பிளாஷ் ஒளியையோ உங்கள் கண்கள் காண நேர்ந்தால், இப்படிப்பட்ட அதிக ஒளியைத் தாங்க முடியாமல், அவை தானாகவே மூடிக் கொள்ளும். காதுகளும் ஒரு அளவிற்கு மேல் ஒலியை தாங்க முடியாது என்பதால், நாம் காதுகளை மூடிக் கொள்கிறோம் அல்லது காதுகளுக்குள் பஞ்சை வைத்துக் கொள்கிறோம். நமது வாழ்க்கையும் ஒரு வரம்பிற்கு உட்பட்ட நிறுவனமே! அதைப் போலவே, நமது ஆசைகளும் கூட வரம்புக்குள் இருக்க வேண்டும். ( தெய்வீக அருளுரை ஜனவரி 19.1983)