தேவைப்படும் நேரங்களில் அவனது பக்தர்களைக் காப்பதற்காக இறைவன் வந்த எண்ணற்ற சந்தர்ப்பங்கள் இருக்கின்றன. சந்த் கபீர் ஒரு நெசவுத் தொழிலாளியாக இருந்தார். ஒரு நாள் அவர் மிகவும் நோய் வாய்ப்பட்டு, அவரது கடமைகளைச் செய்ய முடியாமல் இருந்தார். கருணாமூர்த்தியான இறைவன், கபீரின் உருவில் வந்து, நூலை நெய்து அவரைக் காப்பாற்றினார். அதைப் போலவே, அவர் துன்பத்தில் இருந்த போது, இறைவன் குயவன் உருவில் வந்து, தானே பானைகளைச் செய்து, கோரா கும்பருக்கு உதவினார். பகவான் பாண்டுரங்கனின் தீவிர பக்தையான சக்குபாய், இறைவனது திருநாமத்தை இடையறாது உச்சரித்துக் கொண்டே இருப்பார். ஒரு நாள், அவளுக்கு அதிகமான காய்ச்சல் இருந்ததால், அவளால் அன்றாட வேலைகளைச் செய்ய முடியவில்லை. இந்த சமயங்களில் கூட, அவரது கணவரும், மாமியாரும் அவளை ஓய்வு எடுத்துக் கொள்ள அனுமதிக்கவில்லை. அந்தத் தருணத்தில் பகவான் பாண்டுரங்கன் சக்குபாயின் உருவத்தை ஏற்று வந்து, அவளது வேலைகளை எல்லாம் செய்தான். இறைவன், எவ்வாறு, எப்போது, எங்கு வந்து தனது பக்தர்களைக் காப்பாற்றுவான் என்பதைப் புரிந்து கொள்வது கடினமே. பரிபூரண நம்பிக்கையே, இறைவன் தோன்றுவதற்கு அத்தியாவசியமாகும்!