"எனது புத்தகம், எனது குடை" என்று நீங்கள் சொல்வதைப் போல, "எனது மூக்கு, எனது மனம், எனது கை, எனது புத்தி " என்று நீங்கள் சொல்வதில்லையா? இவை அனைத்தையும் "எனது" என்று கூறிக் கொள்ளும் இந்த "நான்" யார்? அதுவே உண்மையான "நீங்கள் ". அது நீங்கள் பிறந்த போதும், நீங்கள் வேறு எல்லாவற்றையும், அதன் அனைத்து அக மற்றும் புற அங்கங்களையும் சேர்த்து உங்கள் உடலையும் கூட மறந்து உறங்கும் போதும், இருந்தது. அந்த "நானிற்குத்" தீங்கு இழைக்க முடியாது; அது மாறுவதில்லை, அது இறப்பு மற்றும் பிறப்பை அறியாதது. இந்த உண்மையை நீங்கள் உணருமாறு செய்யும் கட்டுப்பட்டைக் கற்றுக் கொள்ளுங்கள்: நீங்கள் என்றைக்கும் சுதந்திரம் மற்றும் தைரியம் உள்ளவர்களாக இருப்பீர்கள். அனைத்து மனிதர்களும் ஞானத்தின் பாதையில் பயணித்து இலக்கை அடைந்தே ஆக வேண்டும். உங்களுக்கு உள்ளே நீங்களே நோக்கி, உங்களது சொந்த அனுபவத்தை ஆராய்ந்த உடனேயே இந்த அறிவு வந்து விடும். ஆனால், இந்த ஆராய்விற்கான ஆர்வத்தைப் பெறுவதற்கு, அந்த மனப்பாங்கினை நீங்கள் உங்களுக்கே கற்றுத் தர வேண்டும். நல்ல பழக்கங்களை வளர்த்துக் கொள்வது, தீயவற்றைத் தவிர்ப்பது, பக்தர்களின் நட்பு வட்டத்தில் பழகுவது, நற்பணிகளில் செயலாற்றுவது, துன்பத்தில் வாடுபவர்களுக்கு சேவை செய்வது - இவை அனைத்துமே உங்களை ஆத்ம ஞானத்தின் மகத்தான பாதைக்கு இட்டுச் செல்லும் படிகளாகும்.