கொழுந்து விட்டு எரியும் நெருப்பிலிருந்து எம்பி வரும் தீக்கதிர்கள் சில தூரம் சென்று, விரைவில் சாம்பலாகவோ அல்லது கருப்பான தூசியாகவோ ஆகி விடுகின்றன. ஒவ்வொருவரும் அடிப்படையில் ஆத்மா தான், ஆனால், அந்த உண்மையின் உணர்விலிருந்து விலகிச் சென்று விட்டால், ஒருவர் தன்னையே சாம்பலாகவோ அல்லது கருப்பான தூசியாகவோ தாழ்த்திக் கொண்டு விடுகிறார். எப்போது உங்கள் சிந்தனைகள் பிரசாந்தியை அடைய வேண்டும் என்ற உங்களது ஆசையைச் சுற்றி இருக்கின்றனவோ, எப்போது உங்கள் செயல்கள் அதை அடைவதற்கான விதிமுறையால் வழி நடத்தப் படுகின்றனவோ, எப்போது உங்கள் சொற்கள் இதமாகவும், இனிமையாகவும், ப்ரேமையில் தோய்ந்ததாகவும் இருக்கின்றனவோ, அப்போது நீங்கள், கண்டிப்பாக, இந்த அக்னியின் வெப்பத்தை அனுபவித்து மகிழ முடியும். அடிக்கடி, நீங்கள் பிரசாந்தி நிலயத்தைச் சுற்றி இருக்கும் குன்றுகளை கவனிக்கும் போது, நீங்கள், குறிப்பாகக் கோடை காலத்தில், மலை உச்சியில் வேகமாக ஒளிக்கதிர்கள் எழுவதைக் காண முடியும். இதற்குக் காரணம் காட்டுத் தீயே. நீங்கள் வெகு தொலைவில் இருந்து வெளிச்சத்தைப் பார்க்க முடியும், ஆனால், அதன் வெப்பத்தை உணர முடியாது. அதைப் போலவே, நீங்கள் சாய் பாபாவைப் பார்க்க மட்டுமே முடியும்; அவர் அளிக்கத் தயாராக இருக்கும் அருளைப் பெற முடியாது. காரணம் - நீங்கள் உங்களது அனைத்து சிந்தனைகள், சொற்கள் மற்றும் செயல்களை ஸ்வாமிக்கு அர்ப்பணிப்பதில்லை!