மனம் விளையாடும் தீய விளையாட்டின் விழிப்புணர்வே இப்போதைய தேவை. அது உங்கள் கவனத்திற்கு முன் ஒன்றன் பின் ஒன்றாக தாற்காலிகமான சுகத்தின் மூலாதாரங்களை வைக்கிறது;நீங்கள் நன்மை, தீமைகளை சீர்தூக்கிப் பார்ப்பதற்கு எந்த ஒரு இடைவெளியையும் அது அனுமதிப்பதில்லை. உணவிற்கான பசி தீர்ந்தவுடன், அது ஒரு சினிமாவின் ஈர்ப்பைக் கண் முன் வைக்கிறது,காதுக்கு ஒரு இசையின் கவர்ச்சியை நினைவுட்டுகிறது, நாக்கு ஏங்கும் ஏதோ ஒன்றின் இனிமையான சுவைக்காக, அதில் எச்சிலை ஊற வைக்கிறது. ஆசை வெகு விரைவில் செயலுக்கான வேண்டுகோளாகி, வேண்டுகோள் விரைவில் வலுப்பெற்று, ஏக்கம் கட்டுக் கடங்காமல் போய் விடுகிறது. ஆசைகளின் சுமை படிப்படியாக மிகவும் அதிகமானதாக ஆகி, மனிதன் உற்சாகமிழந்து, சோகமடைந்து விடுகிறான். சாகசங்கள் மற்றும் சாதனைகளுக்காக புலன்களை நோக்கி அல்லாமல், உத்வேகம் மற்றும் வழிகாட்டுதலுக்காக புத்தியை நோக்கி மனம் திரும்புவதற்கு பயிற்சி அளியுங்கள்! இது, மனதை ஊசலாட்டங்களைக் குறைப்பதற்கும், மிக முக்கியமான விஷயங்களுக்காக நேரத்தையும் சக்தியையும் மிச்சப்படுத்துவதற்கும் ஆன ஒரு கருவியாக ஆக்கி விடும்! இடையறாத மற்றும் சீரான ஆன்மிக சாதனையின் மூலம்,அவற்றின் பலவகை மற்றும் கர்வத்தினால் ஏமாற்றத்தையும், துயரத்தையும் ஏற்படுத்தும் மனதின் ஊசலாட்டங்களை, மனிதன் கட்டுப்படுத்த முடியும்.