நீங்கள் உங்கள் உடலை வெவ்வேறு இடங்களுக்கு எடுத்துச் செல்லும் போதும், நீங்கள் குறிக்கோளின்றி சுற்றித் திரியும் போதும், மனமும் கூட வெவ்வேறு இடங்களுக்குச் செல்கிறது.உடல் எப்போதும் நகர்ந்து கொண்டே இருந்தால், மனமும் கூட நகர்ந்து கொண்டே இருக்கும். உங்களிடம் ஒரு நீர் நிறைந்த பாத்திரம் இருந்து, அந்தப் பாத்திரம் இடைறாது குலுங்கிக் கொண்டே இருத்தால், அதன் உள் இருப்பவையும் கூட இடையறாது குலுங்கிக் கொண்டே இருக்கும்.எனவே, நாம் நமது உடல் மற்றும் அங்கங்களை ஒரு குறிக்கோளற்ற முறையில் அசைத்துக் கொண்டே இருக்கக் கூடாது; இது நமது தியானப் பயிற்சியின் இன்றியமையாத அங்கமாகும். நாம் அமைதியாக அமர்ந்திருக்க வேண்டும்; நமது உடல் நிலையாக இருக்க வேண்டும். தியானத்தின் போது, ஏன் மக்களை நேராகவும்,அமைதியாகவும் அமர்ந்திருக்க வேண்டும் என்று நாம் கூறுகிறோம்? ஏனெனில் உடல் நேராகவும் அமைதியாகவும் இருந்தால், உள்ளிருக்கும் மனமும் கூட நேராகவும், அமைதியாகவும் இருக்கும். உங்களால், உங்கள் உடலைக் கட்டுப்படுத்த முடியவில்லை என்றால், உங்கள் மனதை உங்களால் எப்படிக் கட்டுப்படுத்த முடியும்? முதலில் செய்ய வேண்டியது, அனைத்து அங்கங்கள் மற்றும் உடலின் பாகங்களை நிலையாக வைப்பதன் மூலம், உங்கள் உடலைக் கட்டுப்படுத்துவதே ஆகும். உங்கள் மனம் அலைந்து திரிவதன் அடிப்படை, உங்கள் உடலும் கூட விடாமல் அலைந்து திரிவதே ஆகும். எனவே, அதை முதலில் விட்டு விடுங்கள்.