உங்களிடம் மிக உயர்ந்த ரக காய்கறிகள் இருக்கலாம்; நீங்கள் மிகத் திறமை வாய்ந்த சமையல்காரராக இருக்கலாம்; ஆனால் நீங்கள் ரசம் தயாரிக்கும் செப்புப் பாத்திரத்தில் முலாம் பூசப் படவில்லை என்றால், நீங்கள் சமைக்கும் கலவை மிகவும் விஷமயமாக ஆகி விடும் ! எனவே, உங்கள் இதயத்திற்கு சத்யம், தர்மம், சாந்தி, ப்ரேமை, என்ற முலாம் பூசி விடுங்கள்; பின்னர் அது, இறை நாமஸ்மரணை மற்றும் தியானம், விரதங்கள், தீர்த்த யாத்திரை, சடங்குகள் போன்ற நீங்கள் தயாரிக்கும் பல உணவு வகைகளைச் செய்ய ஏற்ற பாத்திரமாகி விடும். ஒருவரது உந்துதல்கள் மற்றும் குணநலன்களைச் சீர் செய்வது ஒரு கடினமான காரியமே. ஒருவர் ஆன்மீக சாதனையின் அனைத்து புத்தங்களளையும், சாஸ்திரங்கள் எல்லாவற்றையும் படித்திருக்கலாம்; ஏன் அவற்றைப் பற்றி பல மணி நேரங்கள் பிரசங்கங்கள் கூடச் செய்திருக்கலாம்; ஆனால், தூண்டுதல் எதிர் கொள்ளும் போது, ஒருவர் தவறிழைத்து விடுவார். இதயம், ஒரு காய்ந்த வரண்டு போன நிலம் போலவும், தீயவை என்ற எந்தத் தாவரமும் இல்லாதது போலவும் தோன்றலாம் ; ஆனால் முதல் மழை பொழிந்தவுடனேயே, நிலத்தடியில் இருந்த விதைகளும், வேர்களும் அந்த வரண்ட நிலத்தை ஒரு பசுமைக் கம்பளமாக மாற்றி விடும் !