நல்ல கருத்துக்கள் ஏற்றுக் கொள்ளப் பட வேண்டும்; தீய கருத்துக்கள் தவிர்க்கப் பட வேண்டும். ஒவ்வொரு கருத்தும் விவேகம் என்ற உச்ச நீதி மன்றத்தில் கணிக்கப் பட வேண்டும். மேலும் அந்தத் தீர்ப்பை மீற முடியாத ஒன்றாக ஏற்றுக் கொள்ள வேண்டும்.இந்த சந்தர்ப்பத்தில், நாம் மகாத்மா காந்தியின் பிரார்த்தனையான,‘’ ஸப்கோ ஸன்மதி தே பகவான் – இறைவா , அனைவருக்கும் நல்ல புத்தியை அருள்வாயாக‘’ என்பதை நாம் நமக்கே நினைவு படுத்திக் கொள்ள வேண்டும். சமுதாயம் எனும் ஏரியில் பிறந்த ஒருவர், அமைதியான தண்ணீரில் நீந்தி, மிதந்து, முன்னேற்றம் என்ற நதியில் இணைந்து, இறை அருள் எனும் கடலில் இரண்டறக் கலக்க வேண்டும். மனிதன், ‘’ நான்’’ என்ற நிலையிலிருந்து ‘’நாம்’’ என்ற நிலைக்கு நகர வேண்டும்; இன்றோ, சமுதாயத்தை வெறுத்தும் சமூக நல்லிணக்கமின்றியும் இருக்கும் மிகவும் அகந்தை பிடித்த மனிதர்களின் வெறித்தனமான தாண்டவத்தைத் தான் காண்கிறோம். தண்ணீர் ஒரு உயர் நிலையிலிருந்து, தாழ்வான நிலைகளுக்குத் தான் பாய்கிறது.இறைவனது அருளும் கூட அப்படிப் பட்டதே.பணிவுடன் குனிந்து நிற்பவர்களை நோக்கி அது பாய்கிறது. எனவே, அகந்தையை விடுத்து, பொறாமையை வென்று, ப்ரேமையை வளர்த்துக் கொள்ளுங்கள்.