தொட்டியை நீரால் நிரப்புங்கள்; பின்னர் நீங்கள் குழாயைத் திறந்தால், வாளிகள் நிரம்பி விடும்.ப்ரேமை மற்றும் பக்தியை வளர்த்துக் கொள்ளுங்கள், பின்னர் உங்கள் செயல்கள் பரிவு மற்றும் ஈகையில் தோய்ந்திருக்கும்; அவை சாந்தி மற்றும் சந்தோஷத்தின் பொன்னான அறுவடையைத் தந்து விடும். நீர் தூய்மையானதாக இருக்க வேண்டும்; ப்ரேமை தன்னலமற்றும், பிரபஞ்சமயமானதாகவும் இருக்க வேண்டும். உங்களது ப்ரேமை குறுகியதா அல்லது விசாலமானதா, உங்களது பக்தி ஆழமற்றதா அல்லது ஆழமானதா என்பதை நீங்களே கணித்துக் கொள்ளலாம். உங்களது சாதனை உங்களுக்கே திருப்தி அளிப்பதாக இருக்கிறதா? அதை நீங்களே சோதித்துப் பார்த்து, உங்களது சொந்த பகுத்தறிவின் மூலம், உங்கள் மீது நீங்களே தீர்ப்பை வழங்கிக் கொள்ளுங்கள். நோக்கத்தின் தூய்மையே உங்களது சாந்திக்கான சிறந்த உத்தரவாதமாகும். ஒரு சங்கடப்படும் மனச்சாட்சி, ஒரு சித்திரவதை செய்யும் துணைவன் போன்றது. தார்மீகமான செயல்பாடு, உங்களது தூக்கம் அல்லது ஆரோக்யத்தை பாதிக்கும் எந்தக் கெட்ட விளைவையும் ஏற்படுத்தாது. உங்களது இதயத்தில் தர்மம் இருந்தால், குணநலனில் அழகு இருக்கும்; குணநலனில் அழகு இருந்தால்,இல்லத்தில் இணக்கம் இருக்கும். இல்லத்தில் இணக்கம் இருந்தால்,தேசத்தில் ஒழுங்கு இருக்கும். தேசத்தில் ஒழுங்கு இருந்தால், உலகில் சாந்தி இருக்கும்.