அர்ப்பணிப்பு மற்றும் சரணாகதியின் பாதையில், மனிதனின் இறைவனை நோக்கிய பயணத்தின் முதல் ஆறு படிகளானவை: 1) இறைவனது கைவண்ணத்தின் மாட்சிமை மற்றும் மகத்துவம், மேலும் தெய்வீகத்தின் பிரமிக்க வைக்கும் வெளிப்பாடுகள் ஆகியவற்றைப் பற்றிக் கேட்பதற்கான ஒரு ஆவலை வளர்த்துக் கொள்வது.இறைவனப் பற்றித் திரும்பத் திரும்பக் கேட்பதன் மூலமே, நாம் நம்மையே தெய்வீகமாக நல்மாற்றம் செய்து கொள்ள முடியும். 2) இறைவனது மகத்துவத்தையும், அவனது பலவிதமான லீலைகளையும் புகழ்ந்து, தனக்குத் தானே பாடுவது 3) இறைவனது அழகு, கம்பீரம் மற்றும் கருணை ஆகியவற்றின் சிந்தனையில் குதூகலித்து, மனதில் அவனை தியானிப்பது 4) இறைவனது திருவடிகள் அல்லது காலடிச் சுவடுகளைப் போற்றுவதில் மனதைக் குவித்து, இறைவனை வழிபடுவது 5) ஆன்மிக சாதகருக்கு ஆத்ம திருப்தியும், உத்வேகமும் அளிக்கும், இறைவனை ஒரு பரிபூரணமாக சரணடைதல் மற்றும் முறையான சடங்கு வழிபாடாக இது உருவாகிறது. 6) ஆன்மிக சாதகர் தான் வழிபட விரும்பும், அவருக்குப் பிடித்த இறைவனது திருவுருவத்தை, அவர் எங்கு திரும்பினாலும் தோன்றும் அனைத்து ஜீவராசிகள் மற்றும் அனைத்து பொருட்களிலும், காணத் தொடங்குகிறார்; அதன் காரணமாக இயற்கை மற்றும் அனைத்து உயிர்கள் மீது ஒரு வந்தன ( பயபக்தி) மனப்பாங்கை வளர்த்துக் கொள்கிறார் !