இன்று தமிழ்நாட்டில் பொங்கல் பண்டிகை. இன்றைய நாள் சூரியன் தினமும் மேலும் மேலும் அதிகமாக வடக்கு நோக்கித் திரும்பும் ஒரு ஆறு மாத காலமும், மற்றைய ஆறு மாதங்களை விடப் புனிதமாகக் கருதப்படும் உத்தராயண புண்யகாலமும் ஆகும். பொங்கல் என்றால், பால் பொங்கி வருவது என்று பொருள்; அதாவது உத்தராயணம் போதிக்கும் மகத்தான பாடங்களினால் இதயம் களிப்புடன் பொங்க வேண்டும் என்பதாகும். சூரியன், கண்கள் மற்றும் புத்திக்கு அதிபதி ஆவான்; அந்த சூரியன் வடக்கு நோக்கித் திரும்பும் போது, நாமும் கூட, இறைவனை உணர்தல் என்ற புனிதப் பாதையை நோக்கித் திரும்ப முடிவு செய்ய வேண்டும். அர்ஜூனனும், துரியோதனனும் சேர்ந்து குருக்ஷேத்திரப் போருக்கு அவரது உதவியை நாடி பகவான் ஸ்ரீகிருஷ்ணரிடம் இருந்த போது, அர்ஜூனன் இறைவனின் பாதையைத் தேர்ந்தெடுக்க, துரியோதனன் உலகியலான சக்தியை விரும்பினான். எவ்வளவு அதிகமாக நீங்கள் சொத்துக்களை குவிக்கிறீர்களோ அவ்வளவு அதிகமாக நீங்கள் கட்டுண்டு, மேலும் அதிகமான கவலை, கலக்கம் மற்றும் அச்சத்திற்கு உள்ளாவீர்கள். இறைவன் ஒருவன் பக்கம் இருப்பானானால், அவன் எதைத் தான் சாதிக்க முடியாது!