இறைவன் எப்போதும் பக்கத்திலேயே இருந்த போதும் கூட,மக்கள் இறைவனை உலகெங்கும் சுறுசுறுப்பாகத் தேடிக் கொண்டு இருக்கிறார்கள் ! புறத்தில் தேடுவதன் மூலம், நீங்கள் ஒருபோதும் அகத்தைப் பரிசுத்தமாக்க முடியாது. நீங்கள் உங்களது உள்ளுணர்வை மாற்றிக் கொள்ள வேண்டும்.உங்களது நடத்தை மற்றும் நடவடிக்கைகளைத் திருத்திக் கொள்ளுங்கள்; ஏனெனில் அனைத்தும் உங்களது செயல்பாடுகளைப் பொறுத்தே இருக்கும்.ஒரு பரிசசுத்தமான இதயத்துடன் தார்மீகமான பாதையைப் பற்றி ஒழுகுவதன் மூலம், நீங்கள் உங்கள் வாழ்க்கையைத் தெய்வீகமானதாக ஆக்கிக் கொள்ள வேண்டும். அனைத்து பிரார்த்தனைகள், ஜபங்கள் மற்றும் பூஜைகளும் இதயத்தைப் பரிசுத்தப் படுத்துவதற்காகவே.கல்வி அல்லது விஞ்ஞானம் என்ற எந்தத் துறையாக இருந்தாலும் அதில் சிறந்து விளங்கிய எவரும், அவர்களது நடத்தையின் காரணமாக மட்டுமே அவ்வாறு விளங்க முடிந்தது.உடல் பலமோ அல்லது செல்வமோ, ஏன் புத்தி கூர்மையோ கூட ஒருவரை மரியாதைக்கு உரியவராகவோ அல்லது கௌரவிக்கப் படக்கூடியவராகவோ ஆக்க முடியாது. ஒருவர் வாழும் முறையே மதிப்பு மற்றும் மரியாதையை அவருக்கு அளிக்கிறது. நீங்கள் தார்மீகமான சிந்தனைகளைக் கொண்டிருந்தால்,நீங்கள் அனைவருமே இறைவனது இல்லத்தில் இருக்கிறீர்கள் என்பதை உணர்வீர்கள்.இந்த பிரபஞ்சம் அனைத்துமே இறைவனது ஒரு மாளிகையாகும் ! ஒருமுறை இந்த உண்மையை நீங்கள் உணர்ந்து விட்டால்,வேற்றுமைகள் எவ்வாறு எழ முடியும்?