உடலே ரதம், புத்தியே சாரதி,புலன் பற்றுதல்கள் என்ற கயிறால் அது இழுத்துச் செல்லப்படும் தெருக்களே ஆசைகள், மோக்ஷமே குறிக்கோள், மூல-விராட்-ஸ்வருபனே (அங்கிங்கெனாதபடி எங்கும் நிறைந்திருக்கும் மூலாதாரமான இறைவன் ) ரதத்தின் தலைவன்.நீங்கள் சுற்றித் திரியும் ரதத்தை இப்படித் தான் கையாள வேண்டும்.அதற்குப் பதிலாக,மக்கள், அர்த்தமற்ற வட்டங்களில், பிறப்பிலிருந்து இறப்பு வரை, ஆசைகளால் இழுக்கப்பட்டோ அல்லது தேவைகளால் தள்ளப்பட்டோ, பெருமளவில் சுற்றிச் சுற்றி வந்து கொண்டு இருக்கிறார்கள்.தீர்த்த யாத்திரையின் எந்த மைல் கல்லும் கடக்கப்படவில்லை, எந்தப் பாலமும் தாண்டப்படவில்லை, எந்த முன்னேற்றமும் பதிவு செய்யப் படவில்லை.பயணத்தின் முறையே உதாசீனப்படுத்தப் படுகிறது.என்னுடைய அருளால் மட்டும் தான் முன்னேற்றம் சாத்தியமாகும் என நீங்கள் கூறலாம்; ஆனால் எனது இதயம் வெண்ணையைப் போல மிருதுவாக இருந்தாலும் கூட, உங்களது பிரார்த்தனையில் சிறிதளவாவது வெப்பம் இருந்தால் மட்டுமே அது உருகும். நீங்கள் ஒரு கட்டுப்பாடான முயற்சியோ அல்லது ஏதாவது ஆன்மிக சாதனையோ மேற்கொண்டால் ஒழிய, இறை அருள் உங்கள் மீது இறங்காது. தாபமும், குறிக்கோள் நிறைவேறாததன் கடும் துயரமுமே எனது இதயத்தை உருக வைக்கும். அந்த அவேதனாவே (வேதனை) இறை அருளைப் பெற்றுத் தரும்.