இறைவன் மனிதனுக்கு உடலை அளித்துள்ளான். எனவே, ஒவ்வொரு அங்கமும், ஒவ்வொரு புலனுறுப்பும் பயபக்தியான கவனத்தைப் பெறத் தகுந்தவையே. ஒவ்வொன்றையும், அவனது மகத்துவத்திற்காகவே பயன்படுத்த வேண்டும். இறைவனது வியக்கத் தக்க கதைகளைக் கேட்கும் ஒரு வாய்ப்புக் கிடைக்கும் போது, காது புளகாங்கிதம் அடைய வேண்டும். அவனைப் புகழ முடியும் போது, நாக்கு, அதன் சுவையை அனுபவிக்க வேண்டும். இல்லை என்றால், புதர்கள் நிறைந்த குளக்கரையில் இரவு பகலாக கரகரப்பொலி எழுப்பும் தவளைகளைப் போல, மனிதனது நாக்கு பயனற்ற ஒன்றே ஆகும். மனித உடல் உங்களுக்கு, உள்ளுறையும் இறைவனை உணர்வது என்ற ஒரு மகத்தான குறிக்கோளுக்காகக் கொடுக்கப் பட்டுள்ளது . உங்களிடம், அனைத்து வசதிகளும் பொருத்தப்பட்டு, நன்றாக ஓடக்கூடிய கார் ஒன்று இருந்தால், அதே கேராஜிலேயேவா வைத்திருப்பீர்கள் ? கார் என்பது பிரதானமாக பயணிப்பற்காகவே- அதில் ஏறிச் செல்லுங்கள். அதன் பிறகே, அதை வைத்திருப்பதற்கு ஒரு மதிப்பு இருக்கும். உடலும் அவ்வாறானதே. தொடர்ந்து, குறிக்கோளை நோக்கி முன்னேறிச் செல்லுங்கள். உடல், புலன்கள், புத்தி மற்றும் மனதை எவ்வாறு பயன்படுத்துவது என்று கற்றுக் கொண்டு, பீடு நடை போட்டு முன்னேறுங்கள்.