“எப்போதும் உதவுங்கள், ஒருபோதும் தீங்கிழைக்காதீர்கள்’- அதுவே உண்மையான விடுதலையாகும்! மோஹத்தை (பற்றுதலை) விட்டு விடுவதே, உண்மையான மோக்ஷம் (விடுதலை) ஆகும். மற்றவர்களிடம் குறை காண முயலாதீர்கள். நீங்கள் யார் மீதாவது குற்றம் சாட்டுவதற்கு ஒரு விரலை நீட்டினால், மூன்று விரல்கள் உங்களைச் சுட்டிக் காட்டும் என்பதை நினைவில் கொள்ளுங்கள். ஸத்யம் கண்டஸ்ய பூஷணம் (சத்தியமே பேச்சுக்கான உண்மையான ஆபரணம்), ஹஸ்தஸ்ய பூஷணம் தானம் (தானமே கைகளுக்கான உண்மையான ஆபரணம்). அவைகள் தானங்களைச் செய்யா விட்டால், உங்கள் கரங்கள் பயனற்றவையே. புனிதச் செயல்களால் உங்களது உடலின் ஒவ்வொரு அங்கத்தையும் நீங்கள் பரிசுத்தமாக்க வேண்டும். துன்பத்தில் இருப்பவர்களுக்காகப் பச்சாதப்பட்டு, நீங்கள் அவர்களுக்கு ஆறுதல் அளிக்க வேண்டும். இதமான வார்த்தைகளால், ஆதரவு அளித்து ஆறுதல் கூறுங்கள். கடுமையான வார்த்தைகளைப் பேசுபவர்கள் உண்மையில் அரக்கர்களே. நீங்கள் பிறரது உணர்வுகளைப் புண்படுத்தினால், நீங்கள் அதைப் போல இரு மடங்கு புண்படுத்தப் படுவீர்கள். உங்களது செயல்களின் விளைவுகளிலிருந்து நீங்கள் தப்பவே முடியாது.இந்த உண்மையை நீங்கள் மனதில் கொள்ள வேண்டும். பிறரைப் புண்படுத்தாத முறையில் நீங்கள் உங்களையே நடத்திக் கொண்டால்,உங்களது வாழ்க்கை புனிதமடையும் !