வாருங்கள். நான் உடைந்த போன இதயங்களையும், மனம், புத்தி, நினைவு மற்றும் அகந்தை என்ற சிதைந்து போன நான்கு மடங்கான கருவிகளையும் பழுது பார்ப்பவன். வெல்டு செய்து, அடித்துத் திருத்தி அமைத்து, சரி செய்யும் கொல்லனைப் போன்றவன் நான். இறைவன் பக்தனது பூஜை அறையின் கதவுக்கு வெளியில், அவர்களது விருப்பத்தைப் பூர்த்தி செய்வதற்காக, கவலையுடன் காத்துக் கொண்டிருப்பான்! உண்மையில், இறைவனையே சேவகனாகக் கொண்டவனே – அந்த ஒருவனே உண்மையான இறைவன்! உங்கள் நம்பிக்கையை மட்டும் தடுமாறி விட அனுமதித்து விடாதீர்கள். மற்றவர்களின் ஒரு அடிமையாக மட்டும் ஆகி விடாதீர்கள்- இறைவனுக்கும் கூட அல்ல. சோதித்துப் பாருங்கள், சோதித்து, ஆராய்ந்து, அனுபவித்துப் பாருங்கள். நீங்கள் இறைவனைக் கண்டு பிடித்து விட்டால், அது உங்களது உரிமை எனக் கொண்டாடுங்கள். ஆனால், அதை நீங்கள் சரியாக அடையும் வரை, நீங்கள் பரீட்சைக்கு உட்பட்டு, தேர்ச்சி பெற வேண்டும் அல்லவா? நான், சோதனைகளை ஏற்படுத்துவது, ஒரு தண்டனையாகவோ அல்லது உங்களைத் துன்பத்தில் ஆழ்த்துவதில் நான் சந்தோஷம் அடைவேன் என்பதற்காகவோ அல்ல; ஆனால், அவற்றில் தேர்ச்சி பெறும் ஆனந்தத்தை உங்களுக்கு அளிப்பதற்காகவே. மேலும் மனத்தளர்வுக்கு இடமளிக்கவோ அல்லது விரக்தி அடையவோ செய்யாதீர்கள். நீங்கள் ஆன்மிக முன்னேற்றம் அடைய வேண்டும் என்பதே எனது ஸங்கல்பம். நான் உங்கள் அனைவரையும் ஒன்று சேர்த்துள்ளேன்; நான் உறுதியான அஸ்திவாரத்தை அமைத்து, சுவர்களை எழுப்பி, கூரையை வேய்ந்து, மாளிகையைப் பூர்த்தி செய்வேன். என்னுடைய ஸங்கல்பம் ஒருபோதும் பயனற்றதாக இருந்ததில்லை.