மனம் விரும்புகிறது, ஏங்குகிறது, உந்துகிறது மேலும் முயற்சி மற்றும் செயல்பாட்டை வலியுறுத்துகிறது.இந்தக் கட்டளைகள் போன்ற செயல்முறையே ஸங்கல்பம் எனப்படுகிறது. இந்த உந்துதல்களினால் தூண்டப்படும் செயல்களின் வகைகள் மற்றும் நியாயத்தன்மையைப் பற்றி ஒவ்வொருவரும் உணர்ந்திருக்க வேண்டும்.இப்படித் தோன்றி, அமைதியாகக் கலைந்து விடும் மேகங்களைப் போன்று மறைந்து விடும், ஐந்து கோடி எண்ணங்களுக்கு மனம் இடமளிக்கிறது; இவற்றில் பல மனதில் தங்கி அதை செயலில் ஈடுபடும் அளவிற்கு உசுப்பி விட்டு விடுகின்றன.இவையே ஸங்கல்பங்கள். அவற்றின் பரந்த பின்னணி புரிந்து கொள்ளப்படும் வரை, ஒருவர் மகிழ்ச்சியாகவும் நிம்மதியாகவும் வாழ முடியாது. நல்ல ஸங்கல்பங்கள், ஒருவரிடமிருந்து மிகுந்த நல்லவற்றை வெளிக் கொணர்ந்து, ஒருவர் தனது அனைத்து சக்தியையும் முன்னேறுவதற்குப் பயன்படுத்த உதவுகின்றன. ஒருவர், தீய ஸங்கல்பங்கள் அல்லது உந்துதல்களை அவை தோன்றிய உடனேயே இனம் கண்டு கொண்டு, நன்மை பயக்கும் ஸங்கல்பங்களை முறையாக வளர்த்துக் கொள்வதன் மூலம், அவற்றை செயலிழக்கச் செய்ய வேண்டும். இவை மட்டுமே ஒருவரை பேரிடரிலிருந்து காப்பாற்றி, ஒருவரை பிரசாந்திக்கு அருகில் இருக்க வைக்கும். கடலில் செல்லும் கப்பல்கள் திசைகாட்டியின் மூலம் வழி நடத்தப் படுகின்றன; அது இல்லை என்றால், அவை அழியக்கூடிய அபாயம் ஏற்படும். மனிதனும் கூட, ஸம்ஸாரம் எனும் சாகரத்தை பத்திரமாகக் கடந்தாக வேண்டும்.