இறைவனே மிகவும் நெருக்கமான, மிகவும் நேசமுள்ள மற்றும் மிகவும் நம்பகமான துணைவன்.ஆனால், மனிதன் அவனது கண்மூடித்தனத்தால், இறைவனை உதாசீனப்படுத்தி, மற்றவர்களின் நட்பு வட்டத்தை நாடுகிறான். இறைவன் எல்லாக் காலங்களிலும், எங்கும் இருக்கிறான். அவனே மிகவும் செல்வம் படைத்த மற்றும் மிகவும் வலிமையான பாதுகாவலன் ஆவான். இருந்த போதும் நீங்கள் அவனை உதாசீனப்படுத்துகிறீர்கள். இறைவன், இங்கேயே, அருகில், நேசமுடனும், நெருங்கக்கூடியவனாகவும், பாசமுடையவனாகவும் இருக்கிறான். ஆனால், பலர் இந்த மிகச் சிறந்த வாய்ப்பினை, அவர்களது கண்களைத் திறந்து பார்ப்பதில்லை! அவனது திருநாமம், அவனை உங்கள் அருகில் கொண்டு வரும். இப்போதோ, அவனது திருநாமம் நாவில் உள்ளது, மனமோ உலகில் லயித்திருக்கிறது, அந்த நாமத்தை உடையவன் இதயத்தில் இருக்கிறான். இந்த உலகமும், அதன் வசீகரங்களும் உங்களை திசை திருப்பி, அவனது திருநாமங்களை அழைக்கும் போது, இறைவன் அளிக்கும் பதிலை அழித்து விடுகின்றன! அதன் அனைத்து மகிமை மற்றும் கம்பீரத்தின் ஒளிவட்டங்களுடன் கூடிய இறைவனது திருநாமம், தீவிர உணர்ச்சி மற்றும் உணர்வுகளால் ஆன மனதைத் தூய்மைப்படுத்தி, அதை அமைதியாகவும் பரிசுத்தமாகவும் ஆக்கி விடும். மனக்குவிப்பும்,பயபக்தியும் இன்றி, அவனது திருநாமஸ்மரணை செய்யப்பட்டால், அது மனதைத் தூய்மைப்படுத்த முடியாது.