தெய்வம் ஒன்றே ஒன்று தான் என்பதைத் தெரிந்து கொள்ள, நீங்கள் ஆன்மிகக் கணக்கைப் புரிந்து கொள்ள வேண்டும்.இந்த ஒருமைத் தத்துவத்தைப் புரிந்து கொண்டு அதற்கேற்றபடி நீங்கள் நடந்து கொள்வது மிகவும் அத்தியாவசியமாகும். இந்த ஒருமையை நீங்கள் புரிந்து கொள்ளும்போது, நீங்கள் தெய்வீகத்தை அனுபவிப்பீர்கள். எண் 1 க்குப் பின் நீங்கள் ஒரு 0 ஐப் போட்டால், அது 10 ஆகிறது; மேலும் ஒரு 0 ஐப் போட்டால், அது 100 ஆகிறது. இவ்வாறு, நீங்கள் 0 க்களைச் சேர்த்துக் கொண்டே போனால், அதன் மதிப்பு 1000, 10000 என்று அதிகமாகிக் கொண்டே போகும். ஒன்று என்ற எண்ணிற்கு அடுத்ததாக நிலை நிறுத்தப்படும் போது தான் பூஜ்யங்கள் மதிப்பைப் பெறுகின்றன. ‘’ நான்’’, ‘’ எனது மனைவி’’, ‘’ என் குழந்தைகள் ‘’, ‘’ என் சொத்து’’ போன்றவை அனைத்தும் இந்த பூஜ்யங்களைப் போன்றவையே. எண் ஒன்றைப் போன்ற இறைவனோடு சம்பந்தப்படும் போது மட்டும் தான் இவைகளுக்கு மதிப்பு இருக்கிறது. இந்த உலகனைத்தும் ஒரு ஜீரோ போன்றதே. அது இறைவன் எனும் ஹீரோலிருந்து வெளிப்பட்டதே. உங்களது மாயையின் காரணமாக, நீங்கள் ஜீரோவை, ஹீரோவாகத் தவறாக எண்ணுகிறீர்கள். இந்த மாயையில் நீங்கள் ஆழ்ந்திருக்கும் வரை, நீங்கள் ஒருபோதும் தெய்வீகத்தை உணர்ந்து கொள்ள முடியாது.