ஒவ்வொரு மனிதனுக்கும் தாயின் மடியே பள்ளிக் கூடமாகும். அதுவே ஒருவரது முதற் கோவிலும் ஆகும். தாயே ஒருவரது முன்முதல் செல்வம்.ஒருவரது தாயைப் பற்றிய இந்த சத்தியத்தை உணருவது ஒவ்வொரு மனிதனின் கடமை.தாயை விட உயர்ந்த தெய்வம் எதுவும் இல்லை. தந்தையே ஒருவரது பொக்கிஷம்; தாயே ஒருவரது தெய்வம். இப்படிப் பட்ட விலைமதிப்பற்ற செல்வம் மற்றும் தெய்வீகத்தை மதிப்பதற்கு பதிலாக, மனிதர்கள் செல்வங்களையும், பதவிகளையும் அடைவதற்கான அனைத்து விதமான செயல்களில் தங்களை ஈடுபடுத்திக் கொள்கிறார்கள். தந்தையும், தாயும், வார்த்தையும் அதன் பொருளும் போல இணை பிரியாதவர்கள். அனைவரும், ஒருவரது பெற்றோர்களை தெய்வீகத் திருவுருவங்களாக நேசிக்க வேண்டும். தாயும், தந்தையும் உடல் ரீதியாகத் தனிப்பட்டவர்களாக இருக்கலாம், ஆனால் அவர்கள் ஆன்மிக ரீதியில் ஒருவரே. நல்ல தாய்மார்கள், நல்ல மனைவியரை விட அதிக அத்தியாவசியமானவர்கள். ஒரு நல்ல மனைவி அவளது கணவருக்கு மட்டுமே மதிப்பு வாய்ந்தவராக இருப்பார், ஒரு நல்ல தாய், ஒரு தேசியச் சொத்தாவார். பண்டைய காலத்திலிருந்தே, பாரத மறைநூல்கள், மைத்ரேயி,சீதா மற்றும் சாவித்திரி போன்ற தலை சிறந்த பெண்களின் உதாரணங்களைப் போற்றிப் புகழ்ந்துள்ளன. அவர்களது வாழ்க்கைகள் இன்று வரையும் கூட, ஒரு உத்வேகம் அளிப்பவையாக இருந்து கொண்டு இருக்கின்றன.