தொட்டியை நீரால் நிரப்புங்கள்; பின்னர் நீங்கள் குழாய்களைத் திறந்தால், வாளிகள் நிரம்பி விடும்.ப்ரேமை மற்றும் பக்தியை வளர்த்துக் கொள்ளுங்கள், பின்னர் உங்கள் செயல்கள் பரிவு மற்றும் ஈகையில் தோய்ந்திருக்கும்; அவை சாந்தி மற்றும் சந்தோஷத்தின் பொன்னான அறுவடையைத் தந்து விடும். நீர் தூய்மையானதாக இருக்க வேண்டும்; ப்ரேமை தன்னலமற்றும், பிரபஞ்சமயமானதாகவும் இருக்க வேண்டும். உங்களது ப்ரேமை குறுகியதா அல்லது விசாலமானதா, உங்களது பக்தி ஆழமற்றதா அல்லது ஆழமானதா என்பதை நீங்களே கணித்துக் கொள்ளலாம். உங்களது சாதனை உங்களுக்கே திருப்தி அளிப்பதாக இருக்கிறதா? அதை நீங்களே சோதித்துப் பார்த்து, உங்களது சொந்த பகுத்தறிவின் மூலம், உங்கள் மீதே உங்களது தீர்ப்பை வழங்கிக் கொள்ளுங்கள். நோக்கத்தின் தூய்மையே உங்களது சாந்திக்கான சிறந்த உத்தரவாதமாகும். ஒரு சங்கடப்படும் மனச்சாட்சி, ஒரு சித்திரவதை செய்யும் துணைவன் போன்றது. தார்மீகமான செயல்பாடு, உங்களது தூக்கம் அல்லது ஆரோக்யத்தை பாதிக்கும் எந்தக் கெட்ட விளைவையும் ஏற்படுத்தாது. ஆகவே தார்மீகமாக இருங்கள் ; சாதி, மதம், நிறம், வழிபாட்டு முறை, அந்தஸ்து அல்லது செல்வத்தின் அளவு ஆகியவற்றின் அடிப்படையில் பிறருக்கு எதிரான அனைத்து பாரபட்சங்களையும் தவிர்த்து விடுங்கள். எவரையும் தாழ்வாகக் கருதாதீர்கள்; நீங்கள் உண்மையில் எப்படி தெய்வீகமோ, அவ்வாறே அனைவரையும் தெய்வீகமாகப் பாருங்கள்.