உங்களது நல்லொழுக்கம், தன்னடக்கம், பற்றின்மை, நம்பிக்கை, நிலைகுலையாமை - இவையே என்னுடைய மகிமையை மக்கள் புரிந்து கொள்வதற்கான அறிகுறிகள். இப்படிப் பட்ட எந்த ஆதரவையும் நான் விரும்புகிறேன் என்பதல்ல. ஆனால், இப்படித் தான் நடக்கிறது, இந்த உலகில் மக்கள் பிறரை, நேர்முகமாக இன்றி மறைமுகமாகவே கணிக்கிறார்கள். இப்படி பட்ட பக்தர்கள் மிகவும் அரிதானவர்களே என்பதை உங்களுக்குக் கூற விரும்புகிறேன். அதனால் தான், உங்களது கூட்டத்தை ‘’ அன்பான பக்தர்களே’’ என்று நான் அழைப்பதில்லை! எப்போது நீங்கள் உங்களை முழுமையாக என் கைகளில் ஒப்படைத்து, உங்களது தற்பெருமைக்குத் தீனி போடும் அகந்தையின் எந்தச் சுவடையும் கூடத் தக்க வைத்துக் கொள்ளாமல் இருக்கிறீர்களோ, அப்போது தான் அந்தப் பட்டத்திற்கு நீங்கள் சொந்தம் கொண்டாட முடியும். அனைத்து வியாதிகளுக்கான காரணத்தை தவறான வாழ்க்கை முறையில் கண்டறிய முடியும். அதற்கான காரணத்தை எதில் காண முடியும்? சிந்தனைகள், சொற்கள் மற்றும் செயல்களை பாதிக்கும் ஆழ்ந்து வேறூன்றி உள்ள, தனது உண்மை நிலையைப் பற்றிய அறியாமையிலேயே. அதைக் குணப்படுத்தக்கூடிய மருந்து வெவ்வேறு பெயர்களில் காப்புரிமை பெற்றுள்ளது: ஆன்மீக ஞானம் (ஞானம்), செயல் (கர்மா), சிந்தனை (உபாசனம்) மற்றும் பக்தி (பக்தி). அவை அனைத்தும் ஆற்றல் மற்றும் நோய் தீர்க்கும் சக்தியில் ஒரே மாதிரியானவை. அவை அளிக்கப்படும் முறைகளில், அதாவது கலவையாகவோ அல்லது மாத்திரையாகவோ அல்லது ஊசியாகவோ என்பதில் மட்டுமே வேறுபாடு உள்ளது.