அவரது நாட்டின் பங்கைத் திரும்பப் பெறுவதற்காகவும், மக்களுக்குத் தார்மீகமான நிர்வாகம் மற்றும் அவர்கள் மோக்ஷத்தைப் பெறுவதற்கு வெற்றிகரமாகப் பாடுபடுவதற்கான சூழ்நிலை ஆகியவற்றை உறுதி செய்வதற்காகவும், போரில் ஈடுபடுமாறு அர்ஜூனனக்குக் கட்டளை இடப் பட்டது. அவரது சொந்த விருப்பு, வெறுப்புக்கள் மற்றும் அவரது தன்னலமற்ற செயல்களிலிருந்து எழும் விளைவுகள் ஆகியவை எதுவாக இருந்தாலும், இறைவனது சங்கல்பத்திற்கு ஒரு அர்ப்பணிப்பு மற்றும் சரணாகதி உணர்வுடனும், இதை அவர் செய்ய வேண்டியதாக இருந்தது.ஸ்ரீமத் பகவத் கீதை, சமூக சேவையே மிக உயர்ந்த சேவை என்றும் மிகவும் பயனளிக்க வல்ல ஆன்மிக சாதனை என்றும் அறிவுறுத்துகிறது. இந்தப் பொறுப்பிலிருந்து நீங்கள் தப்பி ஓட முடியாது;உங்களது அஹங்காரத்தை புடமிட்டுச் சீர்படுத்துவதற்கும், உங்களையே காப்பாற்றிக் கொள்வதற்கும், நீங்கள் பிறந்த சமூகத்தை, நீங்கள் பயன்படுத்திக் கொள்ள வேண்டும். தருமர், நாரத முனிவரின் ஆலோசனைப் படி, இறந்த தனது தந்தையின் ஆத்ம சாந்திக்காக ராஜசூய யாகம் செய்தபோது, பகவான் ஸ்ரீகிருஷ்ணர் அதற்கு வந்திருந்து, தனக்கு ஏதாவது ஒரு சேவையை ஒதுக்குமாறு கேட்டுக் கொண்டார்.; ஒவ்வொரு நாளும் ஆயிரக்கணக் காணவர்களுக்கு உணவு பறிமாறப்பட்ட எச்சில் இலைகளை எடுக்கும் சேவையை அவர் விரும்பி ஏற்றுக் கொண்டார் !