கவலையின் உருவம் என்ன? அது மனதால் உருவாக்கப் பட்ட பயமே. இயல்பாகவே மனம் சஞ்சலமானது. இந்த சஞ்சலமான மனதின் படைப்புகளான கவலைகள் எப்படி நிரந்தரமானவையாக இருக்க முடியும்? ஒவ்வொரு கவலையும் ஒரு நயாபைசா நாணயத்தைப் போன்றது. ஒரு ரூபாய்க்கு 100 நயா பைசாக்கள்; 100 ரூபாய்க்கு 10,000 நயா பைசாக்கள். நீங்கள் 10,000 நயாபைசாக்களை ஒரு மூட்டையாக ஆக்கினால், அது மிகவும் பளுவாகவும், தூக்கிக் கொண்டு செல்வதற்குச் சுலபமாக இல்லாததாகவும் இருக்கும். எனவே தான் இறைவன், அந்த 10,000 நயா பைசாக்களை என்னிடம் கொடுங்கள், நான் உங்களுக்கு,லேசான,எளிதாக எடுத்துச் செல்லக் கூடிய, பத்திரமாக பாதுகாக்க வல்ல 100 ரூபாய் நோட்டைத் தருவேன் என்று கூறுகிறான்.10,000 நயா பைசா நாணயங்களைக் கொண்ட பெரிய மூட்டையைப் பாதுகாப்பது கடினமானதே. அதை எடுத்துச் செல்வதும், அதை பிறரிடமிருந்து காப்பாற்றுவதும், அதை விடக் கடினமானது. எனவே தான் இறைவன்,’’ பிரியமானவனே, உன்னுடைய கவலைகளின் மூட்டையை என்னிடம் அர்ப்பணித்து விடு ‘’ என்று அறிவுறுத்துகிறான். எனவே, இந்தச் சுமையை இறைவனிடம் அளித்து விடுங்கள்.