எந்தக் காரியத்தைத் தொடங்குவதற்கு முன், விநாயகரை முன் வைப்பதில் ஒரு தனிப்பட்ட முக்கியத்துவம் இருக்கிறது.காட்டில், ஒரு யானை அலைந்து திரியும் போது, அது மற்றவர்கள் தொடர்ந்து வருவதற்காக பாதையை சீரமைத்து வைக்கும். அதைப் போலவே, விநாயகரைத் தியானிப்பதால், நம்முடைய பணிகளுக்கான பாதை சீரமைக்கப்படும். யானையின் பாதம், மற்ற எந்த மிருகத்தின் கால் தடங்களையும் அழித்து விடும் அளவிற்கு மிகப் பெரியதாகும். இங்கு மறுபடியும், எப்போது கணேசருக்கு மரியாதையின் இடம் அளிக்கப் படுகிறதோ, அப்போதே வழியில் இருக்கும் அனைத்து தடைகளும் நீக்கப்படும் என்பதே குறியீட்டாக எடுத்துக் காட்டப் படும் பொருளாகும். கணேசரின் அருளால், வாழ்க்கைப் பாதை இதமானதாகவும், இன்பகரமானதாகவும் ஆகிறது. விநாயக சதுர்த்தி தினத்தன்று மாணவர்கள் புத்தகங்களை கணேசரின் விக்ரஹத்திற்கு முன் வைத்து வழிபாடு செய்கின்றனர். அவர்கள் தங்களது மனங்களைப் பிரகாசிக்கச் செய்ய வேண்டும் என தெய்வத்தைப் பிரார்த்திக்கின்றனர். எனவே, கணேசர், புத்தியை அளிக்கக் கூடிய புத்தி ப்ரதாயக என்றும் அழைக்கப் படுகிறார். விநாயகர் தன்னுள் பிரபஞ்சத்தையே உள்ளடக்கிய ஒரு தெய்வம் ஆவார். அவர் அளவற்ற ஆற்றல் படைத்த ஒரு தெய்வமே.