இறைவனது திருநாம மகிமையை ஒவ்வொரு தெரு மற்றும் சந்திற்கும் எடுத்துச் செல்வதில் இளைஞர்களுக்கு உள்ள உற்சாகத்தைப் பயன்படுத்திக் கொள்ளுங்கள்! சுற்றுப்புறம் அனைத்தும் மின் காந்த அலைகளால் நிரம்பி உள்ளது. இந்த அலைகள் மாசடைந்திருப்பதன் காரணமாக, மனிதர்களின் இதயங்களும் மாசடைந்துள்ளன. இந்தச் சூழ்நிலையைத் தூய்மைப்படுத்த, நீங்கள் இறைவனது நாமத்தை உச்சரித்து, ரேடியோ அலைகளைப் புனிதமாக்க வேண்டும். நாம் சுவாசிக்கும் காற்றில், நாம் பருகும் நீரில், நாம் உண்ணும் உணவில் மாசு உள்ளது. நமது வாழ்க்கை அனைத்தும் மாசடைந்துள்ளது. இவை அனைத்தையும் இறைவனது திருநாமத்தில் தோய்த்துத் தூய்மைப்படுத்த வேண்டும். மக்கள் இயற்கையின் அழகைப் பாராட்டுகிறார்கள், ஆனால் அவர்களின் இதயங்களில் உள்ள அழகைப் பற்றி அறிந்திருக்கவில்லை. இறைவன் பால் கொள்ளும் புனித ப்ரேமையால் அலங்கரித்து, உங்கள் இதயத்தை அழகுபடுத்துங்கள். உங்கள் இதயங்களில் ஆனந்தத்துடன் இறைவனது திருநாமத்தை உச்சரியுங்கள்.