நுண் கலைகளை விட, தலை சிறந்த கலையான ஆன்மிகக் கலையின் மீது தான் எனக்கு அக்கறை அதிகம். மக்களின் அறிவு வரம்பிற்கு அப்பாற்பட்ட, ராதா மற்றும் ஸ்ரீகிருஷ்ணர் மற்றும் அவர்களது விழுமிய உறவு போன்ற ஆன்மிக ரீதியில் உயர்த்தும் விஷயங்களை நடனம் சித்தரிக்க வேண்டும் என நான் விரும்புகிறேன். வக்கிரமான ஆசைகளுக்குத் தீனி போடும், குடிகாரர்கள், தீய மனிதர்கள், பதவி வெறி பிடித்த நபர்கள் மற்றும் கோமாளிகள் போன்றவர்களைப் பற்றிய விஷயங்களை ஒருவர் கைவிட வேண்டும். அனைத்து நாட்டிய மற்றும் நாடகங்களை, மனித குலத்தின் ஆன்மிக உந்துதல்களுக்கு ஏற்றவாறு மாற்றி அமையுங்கள்; அதைப் பேணி வளர்த்து, உரமூட்டி, மனிதர்களை, அவர்களது குறிக்கோளுக்கு இன்னும் கொஞ்சம் அருகாமையில் இட்டுச் செல்லுங்கள். மனிதன், மிருகமும் தேவதையும் சேர்ந்த ஒரு கலவை என நாம் கூறலாம். மனிதன் தனக்குள் ஓநாய், குரங்கு, எருமை,நரி, பாம்பு, மயில், கரடி ஆகியவற்றைக் கொண்டவன்- இருந்தாலும் இவை அனைத்திற்கும் அடியில் பரிசுத்தமான தெய்வீகத்தின் ஓளிக்கீற்றும் கூட உள்ளது. இன்று பரவி வரும் கீழ்த்தரமான பண்புகளை புடமிட்டு உயர்நிலைப் பண்புகளாக மாற்றுவது, புலன்களுக்குத் தீனி போடும் அனைவரது கடமையாகும்.